[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
ROBERTO ‘BERT’ LADERA
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
December 20, 2017
MASALAM-UKAN
Ang nagatulon nga wala nagaligon-ligon sigurado gid nga madunlan ukon masalam-ukan.
Samtang masaku ang tanan sa pagpanghanda para sa nagahilapit nga Paskwa hinali nga nagtublag ang ginpagwa nga sulat ni Mayor Jose Espinosa III nga iya ginpadala kag ginpatuhoy sa mga katapo sang MIWD Board kag mismo sa ila general manager.
Nakasalapu ang alkalde sang isa ka desisyon sang Korte Suprema tuhoy sa pagpabor sini sa kaso sang Cebu City Government batok sa ila Metro Cebu Water District nga nagasiling nga may poder sila sa pag-appoint sang mangin katapo sang board sa baylo nga gobernador ang maga-appoint.
Naghaplak sa lamesa sang mga natungdan ang sulat nga may nakasaad nga ‘Cautionary / Cease and Desist Notice’ nga nagamandu sa ila nga dapat dulogan nila ang pagtuman sang ila katungdanan base sa pinakaulihi nga ruling sang korte.
Ginpanindugan sini nga dapat magbiya sa puesto ang mga katapo sang MIWD Board bangod nga sia ang may poder sa pag-appoint kag luyag niya magpahamtang sang bag-o nga hubon nga magatal-os sa ila.
Nabaton sang mga natungdan ang nasambit nga notisya apang nagpanindugan man nga indi sila magabiya sa ila katungdanan bangod nga kon ila himuon mahimo man sila nga makasuhan. Ginkwestyon nila ang poder sang alkalde sa sini nga bagay kag nagapati nga dapat ang mandu maga-gikan sa korte ang ila pagbiya sa posisyon.
Mahimu ayhan nga imo tumaron ang reseta sang bulong nga ginhatag sa tuhay nga pasyente? Kon anggid ang inyo balatian, mahimu mo bala nga matu-matohan nga ang bulong nga ginreseta sa iya imo man nga tumaron?
Kaangay sini ang nagakatabo. Sang nakita sang alkalde ang nasambit nga desisyon sang Korte Suprema, iya gilayon nga ginkabig nga pabor, bentaha kag dapat niya nga ipatuman sa iya nasakupan. Ang desisyon napatuhoy sa Cebu apisar nga anggid ang sitwasyon sa Iloilo apang dapat iya anay nga hingyuon sa korte nga magpagwa sang kaangay nga desisyon para sa Iloilo agud nga mangin legal kag maathag para sa tanan ang iya luyag nga matabo.
Mas nagakaangay nga ipadangat ni Mayor Espinosa sa korte ang iya luyag nga matabo agud ang korte ang magahimu sang legal nga mandu.
Nagayuhom lang sa iya ang mga abogado diri sa Iloilo. Naham-ot man sa iya ang gung-an kag hangkilan nga abogado kag gobernador sang probinsya sang Iloilo.
May mga bagay nga indi madala sa padasu-daso. May mga bagay nga kontani ipaagi sa mas sibilisado nga palaagyan, mas legal kag mas moral agud nga wala sang may i-kwestyon ang iban.
Nagasiga ang suga kon may koryente, nagatiyog ang elise kon may hangin. Ano naman ang nagapawaras kay Mayor Espinosa?
Nakakas sa puesto si anay Mayor Jed Patrick Mabilog bangod sa ginapasuni nga imbolbado sa ilegal nga droga. Nag-aku si Congressman Jerry Treñas nga abogado sia sang PECO.
Mamangkot kita kay Mayor Espinosa kon sin-o ayhan ang may kahilabtanan sa kompaniya nga luyag magsulod sa negosyo sang distribusyon sang tubig sa syudad.
Hagan-hagan sa pagtulon, likawan nga masalam-ukan.
[/av_textblock]
[/av_one_full]
