[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’CHRISTMAS WISH’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”][/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Ang luyag ko gid tani, novio nga maambung kag mapinalanggaun. Apang kon indi gid ini masarangan ni Santa Claus, okay na sa akon ang world peace.
Ang manamit nga pagkaon, tuman ka basic nga need. Ang mga sapat, nagakinahanglan man sang pagkaon. Kag sa pagkamatuud, indi kita mapatay kon indi kita makakaun sa sulud sang tatlo ka adlaw, o isa ka semana. Tested and proven. And iban gani, nagapuasa pa sang 40 dias!
Matahum nga bayu? Wala gid ako sang interest sina. Indi ko kinahanglan magpaforma para sa iban nga tawo. I know my worth. Basta makapaligu lang ako, kag matinlu ang panapton ko, okay na ako. Ti, ano kon daan ang ginasuksuk ko?
iPhone X, ukon ano pa man nga gadgets? Padayawdayaw lang ina. Daan kag baratohun lang ang cellphone ko, apang wala man ako nagakahubsan sang load. Makatext ako kon kinahanglan, kag makatawag man kon emergency gid.
Ang cellphone ko, indi pangforma. Ang cellphone ko, functional. Practical. Ginagamit. Indi pangdisplay lang. Usado. Daan, apang nagaandar. Mapuslan kon kinahanglanun.
Sa mga material nga bagay, daw wala naman ako sang mapangayu. Indi ako madala kag masilaw sa mga butang nga bag-u kag nagainggat. Indi ako mahuyugun sa mga alhajas. Wala ako nagareloj, bangud may cellphone naman ako nga nagahatag sang takna.
Kon ang tawo mas mataas sang sa sapat, dapat malampuwasan niya ang mga basic needs kasubong sang hangin, tubi, kag pagkaon. Panapton (nga magaamlig sa iya batuk sa tugnaw) kag balay.
Kon ang tawo mas mataas sang sa sapat, ayhan ang iya preocupacion kinahanglan, kag nagakaigu, nga matuun sa iya mga relacion. Amu nga para sa akon, novio kag world peace ang akon luyag kag handum sa sining Pascua. Ina ang akon Christmas wish.
Indi ako santo. Luyag ko man maghirupay kag mahiliusa ang akon familia sa sining tion sang Pascua. Apang may mga circumstancia, kag may mga kabangdanan nga nagaupang sa handum nga ini.
Una, kalabanan sang akon mga utud, nagapuyu na sa nagkalainlain nga bahin sang kalibutan. May mga familia na sila gani indi mahapus ang pagtipun sang mga ginikanan, kag mga bayaw, kag mga hinablos.
Ikaduha, may mga katapu man sang akon familia nga nangin-toxic na updun kag pas-anun. Mga pasaway, kag balingag ang utok. Indi sila malipayun sa ila kabuhi, kag luyag nila dalahigun ang iban. Sa akon situacion, indi ko gid mabatun ang mga miembro sang akon familia nga sugarul kag addict sa casino. Ilabi na nga wala man kami sang cuarta nga sarang matutdan lang.
May mga nagapasantosanto, kag nagapaalam-alam, nga nagasiling nga patawarun kag pasayluhun ko na lang ang mga katapu sang akon familia nga toxic para sa akon.
Tan-awun naton: Pasayluhun kag patawarun ko ang nagapangayu sang kapatawaran. Ang nagakilala nga nakasala sila, kag nagabakhu, kag nagapanaad nga indi na magpakasala liwat. Apang kon magmangin matinaastaasun sila, o magminangu, kag indi magkilala nga sala ang ila ginahimu, paano ang magpatawad?
Sigue, mangin Cristo pa gid ako, kag patawarun ko sila bangud wala sila nakahangup kag nakahibalu sang ila mga ginahimu.
Apang kon sila ang nagacontra sa akon, kag nagapakamalaut sa akon, bangud indi ko maconsentir ang mga vicio nila, mapabaya na lang ako? Batunun ko na lang ang toxicity nila? Pabay-an ko na lang nga hiluan nila ang akon kabuhi kag kalipayan?
Mabudlay ang world peace. Mas mahapus ang mangayu sang novio, bisan pa daw kaselfish ini nga wish!/PB
[/av_textblock]
[/av_one_full]
