[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt (Jerusalem) – Dec. 26′ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Wenceslao “Matt” E. Mateo Jr.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Tensyonado nga Herusalem
MATAAS ang tensyon sang gin-selebrar sang mga Kristiyano ang Paskwa sadtong Christmas Eve (Disyembre 24) sa Herusalem kag pila ka malapit nga pungsod sa diin nagaluntad ang mga Kristiyano.
Labi na gid sa Herusalem kag bisan pa sa Palestine sa diin mainit gihapon halin sadtong 1948 ang indi paghinangpanay sang Israel kag Palestine angot sa ila pagtuo diri sa sining Balaan nga Siyudad para sa Jewish Faith, Islam kag Kristiyanismo.
Ang Israeli tumuluo sang Jewish Faith samtang ang Palestine ginaluntaran sang kadam-an nga mga Muslim upod sa pila ka Kristiyano diri nga naga-selebrar sang Paskwa kada Dsiyembre 24.
Ining pagsaka sang tensyon sang mga balatyagon sa duha ka bahin – Israel kag Palestine – nagsugod sa pagluntad sang gindeklarar ni Presidente Donald Trump sang Estados Unidos sadtong Disyembre 6 ang pagkilala sang Herusalem bilang puno nga banwa (capital) sang Israel.
Ining deklarasyon ni Trump nagbunga dayon sang violente nga reaksyon sang mga Muslim sa Herusalem kag sa Bethlehem diin panguna nga gina-selebrar ang Paskwa kada tuig.
Ang ulihi nga balita halin sa Agence French Presse (AFP) nagasiling nga 12 na ang napatay sa mga protesta sa Gaza Strip nga gina-okupar man sang tropa sang Israel.
Madamo na gani nga mga turista ang nag-kanselar sang ila Christmas trips sa Herusalem kag pila ka malapit nga mga lugar Kristiyano lakip ang Bethlehem sa diin ginasiling natawo si Jesukristo.
Malaka-laka man ang mga Kristiyano nga Palestiniano ang nag-upod sa Christmas Eve nga selebrasyon sa Herusalem kag Bethlehem. Indi lang tungod sa tensyon seguro, kundi tungod sa ila man pag-simpatisar sa kawsa sang Palestine nga nagakilala sang East Jerusalem, sa diin mas madamo nga Muslim ang nagapuyo, bilang iya man kapital.
By the way, taliwas sa ngalan sini, nga ang buot silingon amo ang kalinong (peace), ang Herusalem isa na karon ka magamo nga lugar sa Middle East halin pa sadtong pagpundar sang Israel sadton 1948 tungod sang lain-lain nga conflicto labi na gid sadto sa Egypt kag sa Palestine sa karon.
-0-0-0-
Ngaa bala ginhimo ni Trump ang ining desisyon nga kilalahon bilang puno nga banwa sang Israel ang Herusalem sa lugar sang naandan na nga panguna nga siyudad nga Tel Aviv?
Ang Estados Unidos, upod sa halos tanan nga pungsod nga myembro sang United Nations, nagsikway sa pagkilala sa Herusalem bilang kabahin sang Israel sa kabug-usan kag nanindugan man sa pagpihak sang duha ka pungsod sumugod sadtong 1948 pa.
Sang sini lang ugaling, nagliwat ang panindugan sang Estados Unidos sa idalom ni President Donald Trump, kag sang Disyembre 6 gindeklarar niya ang Heruslaem bilang puno nga banwa sang Israel.
Gin-rason ni Trump nga wala sang kahusayan ang padayon nga panindugan nga ipabilin nga pihak gihapon ang Herusalem.
Sunu kay Trump, gapakilala lang ini nga ang madugay na nga pagpihak sang Herusalem sa idalom sang isa ka armistice (kasugtanan sa dulog inaway) kag peace negotiation sa tunga sang Israel kag Palestine wala na sing kasolbaran.
Amo gani, siling niya, basi ang pagkilala na sa Herusalem bilang puno nga banwa sang Israel sa kabug-usan amo na ang sabat sa problema sa maila nga kalinong sa duha ka pungsod.
Ugaling, sa botohay sa United Nations sadtong Disyembre 22, napierde si Trump sa iya pagkilala sang Herusalem bilang capital sang Israel.
Sa kabug-usan, 128 k pungsod ang nagboto “Yes” agud sikwayon ang panugyan sang Estados Unidos, 35 ang nag-abstain, 21 ang wala nagboto, samtang Israel lang ang isahanon nga nag-upod sa panugyan niTrump kag nagboto “No”.
Pati ang mga pungsod nga may dalagku nga kabalaslan paagi sa bulig pinansya sang Estados Unidos nagboto kontra sa panugyan ni Trump. Luas lang sa Kenya nga wala nagboto. Ang Afghanistan nga may financial assistance nga 4.3 ka bilyon nga US dollar nagsikway man sa panugyan ni Trump.
Ang Pilipinas nag -abstain.
Ang Estados Unidos kilala sa katig-a sang panindugan, gani gapati kita nga bisan napierde sa UN si Trump may batyagon gid ang mga pungsod nga nagkontra sa panindugan sang Estados Unidos Trump. Kon sa ano nga paagi, indi pa naton mahibal-an, ugaling. #
[/av_textblock]
[/av_one_full]
