[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panday dakop sa drug bust ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Nadakpan ang panday sa ginkasar nga buy-bust operation sa Dalan Mirasol, Barangay Q. Abeto, distrito sang Mandurriao diri alas-10:15 sang Miyerkoles sang gab-i.
Ginkilala ang arestado nga si Jose Maria Hinojales, 48, kasado kag residente sang Brgy. Q. Abeto, Mandurriao.
Sunu kay Chief Inspector Juvy Navales, hepe sang Mandurriao Police Station, nabaklan sang iya mga tinawo sang isa ka plastic sachet sang ginapasuni shabu balor P500 ang arestado sa sulod sang balay sini.
Nakuhaan pa ini sang dugang nga lima ka mga plastic sachets sang gina-alegar shabu nga ginabanta nagabalor sang P30,000.
Nag-gwa man sa report ni Navales nga si Hinojales ang street value target kag tokhang surrenderee pero wala nakuhaan sang fingerprints kag mugshot bangod nga nagpalagyo.
“Tokhang surrenderee ina si Hinojales pero waay ina sia nakuhaan data, fingerprints kag mugshot kay nalagyo ina,” kumpirmasyon ni Navales.
Sa interbyu naman sang mga katapo sang media, ginpanginwala ni Hinojales nga nabaklan sia sang shabu sa paghambal nga bag-o lang sia sang nakatapos panyapon upod ang iya pamilya sang nagsulod naman ang mga pulis.
Nanindugan man sia nga planted ang narekober sa iya nga anum ka sachets sang ginapasuni shabu.
Samtang ginasulat ini nga balita, si Hinojales priso na sa karsel sang Mandurriao Police Station kag magapangatubang sang kaso nga pagbayolar sang Sections 5 kag 11 sang RA 9165 ukon Comprehensive Dangerous Drug Act of 2002./PB
[/av_textblock]
[/av_one_full]