[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Roberto ‘Bert’ Ladera
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
KAPALARAN
Kasubong sang kinaandan, ang kadamuan nagatinguha nga matukiban ang iya mangin palaabuton sa sini nga tuig, ang tuig sang ido sunu sa Chinese zodiac.
Sa handum nga mahibaluan kon ano ang aton mangin palaabuton, nagabasa kita, nagalantaw kita kag nagapamangkot kita sang aton kapalaran, paagi sa mga artikulo nga nabalhag kag sa internet. May yara man nga nagalantaw sa tarot card kag may yara man sang nagapahimalad. Indi man madula ang pagsolitaryo sa baraha, kag ang pagpalantaw sang kapalaran sa manugpakot.
May ginatawag nga western zodiac kag may Chinese zodiac. Apang, wala na kita nagalantaw sa kon ano ang kinatuhay sang duha bangod nga bisan sa ordinaryo nga panahon kaangay sini, nagalantaw man kita sa Chinese zodiac apisar nga ang Chinese New Year ang natalana pa sa Pebrero 16, 2018.
Indi na makatilingala ang ini nga impluwensya sa aton sang kultura kag pagpati sang mga intsik bangod halos tanan nga sahi sang aton pagsug-alaw sa bag-ong tuig ang impluwensyado na nila, gikan sa palupok tubtob sa sahi sang handa nga ginatungtong sa ibabaw sang lamesa, kag lakip na sa paglaum nga mangin maswerte ang pagsulod sang tuig, mangin dagaya ang palaabuton kag magatin-ad ang pangabuhi.
May mga pagtagna nga indi maayo santu sa aton nga zodiac sign apang wala naton ginahatagan sang kabilinggan, bisan negatibo pa ang nasaad sa aton palaabuton apang nagapangibabaw ang aton paglaum nga mangin maayo ang aton bwas-damlag.
Nagakahulugan lamang nga mahuyugon kita magtukib sa kon ano ang masiling sang palaabuton, kon maayo kag paborable ang ginasaad aton ini nga ginaapresyar apang kon tuhay naman ini aton nga ginabalewala kag padayun lamang kita sa aton pagpaninguha.
Madamo man sang ginatan-ay nga panapat ukon mga bagay nga magahatagn sang swerte ang mga manugpakot kag mga mahuyugon sa ginatawag nga feng shui. Madamo sila sang ginahatag nga bulong para sa maayo nga kapalaran, kon paano kuno matadlong ang nagasulod nga enerhiya agud nga mangin komportable ang isa ka persona santu sa iya kaugalingon nga zodiac ukon depende sa iya nga kaadlawan.
Indi malipod nga sa tagsa ka nagahilapit ang bag-o nga tuig, madamo sang nagatukis sa mga ban-awan kon ano ang mangin kapalaran. Naga-trending sa internet ang pagpanalawsaw angot sa kon ano ang matan-ay nga palaabuton sang nagapasulod nga tuig, kon ano ang senaryo nga mahimo malaragway sang nakakita sang abanse kag kon paano makalikaw sa indi maayo nga kapalaran.
Kon aton sumahon ang tanan, may yara sang mga maayo nga matabu kag indi mapahigad ang mga malain nga matabu. Pamatuod ini nga balanse ang kalibutan kag indi mahimo nga lunsay na lang maayo nga hitabu ang magaluntad ukon lunsay na lang kasubo ang magapangibabaw.
Bisan ano pa ang natagna santu sa paglantaw sang iban sa aton mangin palaabuton, apang bisan ang nagalantaw sina ang indi makapiho sa iya mismo nga palaabuton.
Ang Diyos nga gamhanan lang ang nakahibalo kag nagauyat sang aton kapalaran. Pangamuyo lang gid ang bulong agud nga aton maagom ang maayo nga palaabuton./PB
[/av_textblock]
[/av_one_full]
