[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAGLUBAD SANG MGA UGAYONG’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”][/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Pinalangga ko nga mga bumalasa,
Panamyaw para sa mahamungayaun nga bag-ung tuig!
Salamat sa inyo pagsakdag sa akon, sa Campeon sang Hiligaynon, kag sa Panay Balita sa tuig 2017. Kabay nga padayun ang inyo pagpalangga kag pag-ulikid sa akon kag sa akon mga sinulatan sa sining 2018.
*
May luyag ako hikutun kag pamatud-an sa pagsugud 2018. Kag ini amu ang akon ikasarang kag ikasangkol agud maglubad halin sa pulong English.
Apang pasimple lang ang akon himuun bangud gikan man sa akon sinulatan ang akon lubarun pakadtu sa pulong Hiligaynon.
*
Nadumduman ninyo ang akon mga malip-ut nga binalaybay sang nagligad nga tuig? Ang ulihi naton nga nabalhag may numero #1356. Huo, nakasulat ako sang masobra isa ka libo ka magagamay nga binalaybay sa Hiligaynon.
Apang dugang dira, nakasulat man ako sang 962 ka bilug sa pulong English. Buut silingon, 2,318 tanan ka mga binalaybay ang akon nasulat.
Kag subung, luyag ko sang 2,500 ka mga binalaybay sa Hiligaynon! Ayhan para sa isa ka libro.
*
Gani, ang akon buko, lubarun sa Hiligaynon gikan sa English ang 962 ka bilug, kag dugangan sang 182, para macompleto ang duha ka libo kag lima ka gatus.
Nalipay gid ako sa inyo pagbatun sang akon mga malip-ut nga binalaybay. Bangud sa inyo pagsakdag, nangin mamag-an para sa akon ang pagsulat sang mga ginasinggit sang akon tagipusuon, kag sang mga ugayong sang akon paghigugma.
Kabay nga magpadayun ini nga mga balatyagon sa sining hilikuton ko para sa 2018. Bangud luyag ko gid nga ang Campeon sang Hiligaynon, amu man ang magahari nga Mamalaybay sang mga Ilonggo.
*
Kon excited kamo, labing excited pa gid ako. Kag bilang halimbawa sang akon hilimuon, ari ang isa sang akon mga binalaybay nga luyag ko man ipabugal sa inyo kon paano ko ginlubad gikan sa English:
JEALOUSY
When the stars are frozen
In the coldness of the night,
I wonder who keeps you warm.
I imagine sweaty bodies, arms,
Legs intertwined, pretzelized.
I see your face in the sky—
Gaping, burning, exploding.
And the stars begin to fall
But only I see blurs.
*
KAIMUN
Kon magkusug ang mga bituon
Sa katugnaw sang kagab-ihon,
Ginapakutpakut ko kon sin-o
Ang nagalumlum sa imo.
Ginapanan-aw ako ang balhasun
Nga mga lawas, mga butkon
Mga paa, mga hita nga nagakambidanay.
Makita ko ang imo nawong sa langit—
Nagagaab, nagadabadaba, nagawarasaag.
Kag ang mga bituon nagakalataktak
Apang kaburron lamang ang akon makita.
*
Kon inyo matalupangdan, indi word for word ang akon translation. Indi gani line by line. Kundi “poem for poem.”
Kasubong sini ang luyag ko himuon, nga gikan sa akon English poem, makalubad ako sang Hiligaynon poem, o Hiligaynon version, nga sarang makatindug sa iya kaugalingon bilang bag-u nga binalaybay. Gani, padayun kita sa binalaybay #1357 sa masunud nga issue.
Kabay nga padayun ninyo ako nga unungan. Sa liwat, madamu nga salamat.
Ang inyo alagad kag Campeon sang Hiligaynon,
Peter Solis Nery
[/av_textblock]
[/av_one_full]
