BRODKASTER

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’BRODKASTER ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Jay Dooma Balnig
[/av_heading]

[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Maila nga Hustisya

Walo na ka tuig ang nakalipas matapos ang Maguindanao Massacre apang tubtob subong maila pa sa gihapon ang hustisya nga ginasinggitan sang pamilya sang 58 ka mga ginpamatay. Ano ini, Justice delayed, justice denied?

Ang hambalanon nga “Justice delayed, justice denied” isa ka scheme ukon padihot sa korte agud malikawan ang verdict ukon pagpamatbat sang isa ka kaso ilabi na kon mabaskug ang ebidensya sang prosecution kontra sa akusado ukon mga akusado.

Kon ma-delay ukon mahinay ang kaso, mas pabor sa mga akusado ilabi na sa both “physical evidence” kag “testimonial evidence” nga amo ang essential sa conviction sa kaso.

Samtang nagadugay ang kaso, may tendency nga matak-an ukon madulaan sang gana, naga migrate sa iban nga lugar ukon mapatay ang witness nga indi na maka-testify sa hearing tungod sa kadugayon.

Kon wala na sang vital witness nga mag-testify ilabi na “eye witness,” “star witness” ukon “lone witness” nga maga-corroborate kontani sa mga evidences nga ginapresentar sang prosecution, mabudlay ang pag-convict sa akusado ukon mga akusado.

Kon wala sang guilty verdict bangod wala na sang witness ukon kulang na ang witness nga mag-testify sa korte, hilway na ang akusado bisan ano pa ka dugay ang pagtiner sini sa bilangguan samtang pending sa korte ang kaso.

Ini man ang rason nga may yara kita nga Republic Act 8493 ukon ang “Speedy Trial Act” agud nga indi lang mapadali ang kaso agud mahilway ang inosente kundi lakip man nga mapamatbatan sang madasig ang mga kriminal nga responsable sa krimen.

Apisar sang amo nga laye, may ara gihapon nga mga party nga mas ginapili ang pag-delay sang kaso agud pabor sa akusado ilabi na kon mabaskug ang ebidensya kag witness.

Sa kaso sang Ampatuan-Maguindanao Massacre, walo na ka tuig ang naka lipas, 58 ang ginpatay, 197 ang akusado kag 273 ang mga witnesses apang wala sang bisan isa nga na-convict.

Masubo panumdumon nga ang krimen ginhimu “in broad-daylight,” politiko kag mga pulis ang ang mga akusado nga involved sa amo nga krimen kag ginhimu ang krimen nga indi lang isa ka simple nga pagpatay kundi wala sang katahap kag kahadok nga ginkutkutan sang backhoe ang maligwin nga lugar kag ginlubong ang 58 ka mga tawo upod pa ang ila nga service vehicles.

Naga-cover ako sang Iloilo City and Stockton City Sister Cities Anniversary sa Stockton City, California sang natabu ang krimen. Halos wala ako nakatulog sang panumdom bangod daw indi mapatihan nga 32 gid ka mga kaupod ko sa media ang nalakip sa ginpamatay sa amo nga massacre.

Sang nabaton ko yadto nga balita, na-realize ko nga mas may masobra pa sa amon nadangatan nga pag-harass kag “detained” sa Sibunag, Guimaras sang 1999. Apisar nga reporter/anchorman ako sadto sa MBC Aksyon Radyo, gin-cover ko ang amo nga report para man sa Sun Star Iloilo nga pahayagan.

Anniversary gid sang Philippine declaration of martial law, Sept. 21, 1999 sang nag-cover ako upod sa mga reporters nga sanday Maricar Calubiran (Panay News), Randy Londres (ABS-CBN), Guijo Dueñas (Philippine Daily Inquirer), kag Jonavin Villalva sang Aksyon Radyo sa information nga naga-alegar “illegal connection” sang electric power halin sa munisipyo pakadto sa balay sang municipal official.

In broad-daylight, ginpuersa kami sang mga pulis nga dal-on sa police station bangod sa amon presensya sa amo nga banwa kag nag-investigate sa amo nga kaso. Nag-refuse ang mga pulis nga papauli-on kami bangod naga-demand ang natungdan nga municipal official nga hulaton gid sia mag-abot sa munisipyo bisan tuman na ang amon kagutom.

Matapos ang inoras nga pag-hold sa amon, pag-abot sang municipal official, wala man ini naghatag sang iya nga side sa amo nga alegasyon. Tigaylo, nag-demand ini nga kuhaon sa amon ang mga film sang mga kamera kag audio tape interview sa mga witnesses sa alleged illegal connection controversy.

Bisan pa sang amo nga harassment nakatigayon kami nga naka-eskapo kag naghingagaw balik sa Iloilo City kag ginreport sa Camp Delgado ang amo nga pag-restrain sa amon. Madasig naman nga nag-aksyon si Chief Supt. Jose Ayap, ang Police Regional Director.

Sumunod nga adlaw, personal mismo si General Ayap, upod ang director sang Regional Operation and Planning Division(R-3) kag Guimaras Provincial Police Office Mobile Company nag-conduct sang investigation sa Sibunag PNP upod ang natungdan nga mga media.

Solo nga depensa sang mga police sa insidente amo ang pag-blotter sa amon nga “suspicious looking persons” bisan pa sang amon tagsa-tagsa ka mga identification card kag local witnesses nga nakakilala sa amon bilang media practitioners nga naga-broadcast sa radio kag television.

Bisan pa sang Republic Act 8551 ukon ang “Philippine National Police Reform and Reorganization Act” nga naga-professionalize sa mga pulis, sablay sa gihapon ang depensa sa mga members sang Sibunag Police kag gilayon nga gin-relieve ang tanan nga mga pulis kag gin-reassign sa Negros Occidental, Aklan, Antique, kag regional command para sa mga lady cops.

Lakip man nga gin-relieve ang PNP provincial director sang Guimaras kag ang Guimaras PPO Mobile Group naman amo ang gin-assign nga mag-takeover sang Sibunag PNP.

Ginkasohan sang mga agrabyado nga members sang media sa Office of the Ombudsman-Visayas sa Cebu ang mga directly involved nga members sang Sibunag PNP bangod sang amo nga hitabu nga nagresulta sang tuman ka gutom, anxiety kag kulba sa mga journalist.

Sa column ni Ramon Tulfo, “On Target” sa Philippine Daily Inquirer, ginpakamalaut sini ang ginhimu sang mga pulis kag ginpanugyanan nga “there’s no such crime as Illegal Possession of Ugly Face” nga nagatumod sa blotter nga depensa sang mga pulis nga “suspicious looking persons” ila nga ground sa pag-restrain sa tawo./PB
[/av_textblock]

[/av_one_full]