[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Iloilo, host sang 2018 WVRAA Meet ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Nagasugod na sa pagpanghanda ang probinsya sang Iloilo sa natalana nga pag-host sini sang Western Visayas Regional Athletic Association (WVRAA) Meet sugod Pebrero 18.
Sunu sa pahayag ni Gob. Arthur Defensor Sr., ginsaylo sa probinsya sang Iloilo ang pag-host sang 2018 WVRAA Meet matapos nga nagpamalibad ang Capiz sa pagtagbalay bangod nga wala pa makumpleto ang pagkay-o sang track oval sa Capiz Sports Complex nga amo kontani ang gamiton sa athletics nga mga aktibidad.
“Nag-surrender ang Capiz kay dapat ang Capiz ang ma-host. Ugaling indi mahuman sang Capiz ang ila rubberized track oval. Ti, nagapangabay gid sila nga kon puede kita lang anay ma-host,” siling ni Defensor.
Gindugang sang gobernador nga nakahanda ang probinsya sa pag-host kag ginpakay-o na ang track oval sang Iloilo Sports Complex.
“Ang Iloilo ya basta hosting sang Western Visayas meet ready kita ya,” dugang sini.
Ginpasiguro man sang gobernador nga matapos ang pagkay-o sang mga kasilyas sang Iloilo Sports Complex antes pagbukas ang WVRAA Meet nga ginpundohan sang Iloilo School Board sang P11.2 milyon.
“Ang ginapadalian lang man to nga tapuson amo ang repair sang pila ka bilog nga kasilyas para manami. Dason i-postpone lang anay ang pagpinta sang grandstand,” dugang pa sini.
Gin-aku man ni Defensor nga gintuyo nila nga hinyuon sa Department of Education nga ibutang kontani sa una nga semana sang Marso ang WVRAA Meet pero kon indi magpasugot ang DepEd, nakahanda man gihapon ang probinsya sa Pebrero./PB
[/av_textblock]
[/av_one_full]