[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Kakulangon sang mga pari
DAKU kaayo ang problema sang Simbahan Catolica angot sa kakulangon sang mga pari.
In fact, ini nga problema dugay na nabatyagan sang Simbahan – sa bug-os nga kalibutan kag bisan diri mismo sa Pilipinas, sa diin ang tumuluo sini nagabug-os sang mga 80 porsyento sang populasyon nga sobra na karon sa 100 ka milyon.
Sunu sa Vatican mismo, sadtong 1975 tubtub 2008 nagdugang ang kadamuon sang mga catolico sa 64 ka porsyento halin sa 709.6 ka million tubtub 1.166 ka bilyon.
Sa sinang tuig 2008 gani, malapit sa 49,631 sang 218,865 ka parokya (parishes) sa bug-os nga kalibutan ang wala sing residente nga pari.
Ining kakulangon sang pari nabatyagan man diri sa Pilipinas, siling gani ni Archbishop Emeritus Oscar Cruz, nga nakaagi pangulo sang Catholic Bishops’ Conference of the Philippines (CBCP).
Sunu sa iya, ang subong nga kadamuon sang mga pari nagapakita nga 8,407 ka tumuluo ang ginaatubang nga tatapon sang isa gid lang ka pari.
Ang ideal tani, sunu sa iya, amo ang 2,000 ka tumuluo sa isa ka pari.
In fact, sunu kay Cruz, kon ang tanan nga tumuluo sa isa ka parokya dungan magsimba, ini tanan indi ma-akomodar bisan pa doblehon ukon triplehon mo pa ang misa.
Ina tungod ang simbahan maka-akomodar lang sang 500 tubtub 1,000 ka tumuluo kada misa, paathag pa niya.
Samtang, sige man dugang sang mga pari nga naga-retiro kag amat-amat man diutay ang nagasulod sa pagka-pari.
Ginkasubo gid niya ang rekord sang Simbahan sa mga gina-ordinan nga mga seminarista. Siling niya nga sa 100 ka seminarista, mga 10 gid lang ang gina-ordinan, samtang madasig ang pagdamo sang mga tumuluo.
-0-0-0-
Tungod sini, nangin matonog na ang paghinun-anon sang mga lideres sang Simbahan kon ano ang mahimo agud mapauswag ang pagsulod sa pagka-pari.
Ang problema nagakinahanglan sang praktikal nga solusyon, panugyan gani sang pila ka mga pari mismo. Ang ining solusyon amo nga pahanugutan ang mga pari catolico sa pagpangasawa, pareho sang mga pastor nga protestante kag iban pa nga ministro sang sekta Kristiyano.
Ang mabudlay sa sining panugyan amo nga ang kalabanan sang mga lideres sang Simbahan luyag gid nga ang mga kaparian mangin katulad ni Kristo, nga wala gid nangasawa sa bug-os niya nga kabuhi.
Isa pa, ang pari nga wala sing asawa makahatag sang bug-os niya nga panahon sa pagserbisyo sa Diyos. Wala ugaling ini ginapatihan sang mga protestante sa ila pagpati nga ang pamilya indi upang sa pagpanerbisyo sa Diyos sang pari ukon sang sin-o man nga ministro sang simbahan.
In fact, wala gin-requirer ni Kristo nga ang iya mga apostoles may mga asawa gid. Ang una nga apostol ni Kristo nga si Pedro may asawa sang gin-agda siya ni Kristo sa pag-upod sa iya sa pagpanilbihan sa Diyos. Maathag ini sa Bibliya nga nagsugid parti sa ugangan (mother in law) ni Pedro. Ang pagpati gani nga ang iban nga apostoles may mga asawa man, luas lang kay St. John the Beloved nga indi minyu.
Si Pope Benedict XVI kag Pope John Paul II (nga nangin santos na), nagpahanugot gani nga ang isa ka pamilyado tugtan mag-pari sa Simbahan Catolica. Pero bilang isa lang ka “rare exception”.
Isa sini sa ila amo si Father Douglas Grandon nga isa ka pamilyado nga pari catolico. Isa siya ka pamilyado nga Episcopalian (indi catolico) nga pari nga ginpasugtan ni Pope Benedict XVI agud mag-pari sa Simbahan Catolica upod sang iya pamilya nga nangin catolico man tanan.
-0-0-0-
Ano naman ya ang aton personal nga pagpati agud mapasanyog ang panilbihan sa Diyos?
Okey man nga may asawa ang isa ka ministro sang Diyos, kay tawo man lang siya, pero mas maayo gid, sa akong pagpati, kon wala sing asawa ang pari, agud lubos niya matagaan sing panahon ang pagpanilbihan sa Diyos.
Kon may kakulangon man sang pari, puede man mabuligan sila sang mga tumuluo sa pagpasanyog sang pagtuo paagi sa mga lay ministers, katulad sang mga manunudlo sang pagtuo sa eskwelahan, mga katekista sa barangay, kag mga grupo nga makapanguna sa mga kahiwatan sang simbahan.
Ang importante nahibal-an naton ang aton pagtuo kag gina-practice ini, may pari man ukon wala./PB
[/av_textblock]
[/av_one_full]
