[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’NAGALINAGUMBA’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Roberto ‘Bert’ Ladera
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 12, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Magahiwat na sang opening salvo takna alas02:00 sa sini nga hapon ang 2018 Dinagyang Festival. Patimaan sang pagpangalapkap sang ispiritu sang ginakakunyagan sang tanan nga Ilonggo, ang selebrasyon nga ginahangla sang tanan kag luyag man nga pakigbahinan sang mga dumuluong.
Sa kinaandan, may yara sang pagligwat sa ruta sang mga salakyan agud nga maakomodar ang ini nga hilikuton kag dapat nga maghingagaw na ang mga nagatransaksyon nga matapos gilayon sa temporano nga tion agud nga indi maguot sa naga-igod nga ilig sang mga salakyan.
Liwat na naman nga magaginutok bangod sa madamo ang magadugok, luyag nga maglantaw sa maduagon nga mga tribu kag sa sahi sang ila saot kag lagbong sang drum nga ipasundayag.
Magapasakop ang 10 ka tribu sa Ati Tribes Competition sang 50th Dinagyang Festival nga natalana sa sini nga bulan.
Ginpahayag ni Iloilo Dinagyang Foundation Incorporated (IDFI) chair Ramon Cua Locsin nga ang tagsa ka tribu nga magapasakop sa Ati Tribes Competition sa sini nga tuig ang magabaton sang 1 million pesos nga subsidy gikan sa IDFI.
Ginsiling sini nga ang 10 ka tribu ginalakipan sang Tribu Salognon sang Jaro National High School; Tribu Paghidaet sang La Paz National High School; Obreros sang Barrio Obrero National High School; Ilonganon sang Jalandoni National High School; Dagatnon sang Ramon Avanceña National High School; Panayanon sang Iloilo City National High School; Buntatalanit sang Tiu Cho Teg Ana Ros Foundation Integrated School; Pan-ay sang Fort San Pedro National High School; Amihan sang Mandurriao National High School kag Suludnon gikan sa Capiz.
Nahibaluan nga ang Ati Tribes Competition, nga amo ang main event sang Dinagyang Festival, ang isa ka grand cultural performance nga natalana sa Enero 28, 2018.
Ginalauman sang tanan nga magabuylog ang mga negosyante, mga dumuluong, mga opisyales sang banwa, kag mga pumuluyo sa sini nga kahiwatan agud nga mangin memorable kag puno sang kasadya nga hilway sa ano man nga magaluntad nga insidente.
Sa opening salvo, aton lantawon sa Iloilo Freedom Grandstand kon bala magatuparay sanday Mayor Jose Espinosa III kag IDFI chair Ramon Cua Locsin nga sadto pa may malas-ay na nga paglantaw sa isa kag isa.
Ang ila mabugnaw nga pagtamdanay ang nagsugod sadtong panahon sang eleksyon sang nagpadalagan si Mayor Jose Espinosa III bilang bise alkalde kag ang iya hugot nga kasumpong amo si anay Councilor Jamjam Baronda nga suportado ni Locsin.
May mga pilas nga apisar napali na sang panahon apang ang marka nagapabilin nga kitaon kag nagapadumdom sa natungdan sa kon ano ang istorya sang sina nga marka nga natuga sang pilas nga napali na.
Mabatyagan sa gihapon ang mga signos sang naglilipas nga indi gid mapanas ukon matabonan man lang sang karon nga mga hitabu. Nagalukmat ini, nagabangon sa iya ginahamtangan, nagahiwaos nga nagapatimaan sang iya pagbalos.
Aton pamatian ang paggahod sa syudad sa sini nga hapon, aton tukion kon bala ang lagbong sang mga drum ang makatabon sa lagbong sang ila mga balatyagon.
Aton obserbahan kon bala ano ang mas matunog nga nagalinagumba./PB
[/av_textblock]
[/av_one_full]
