[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ang ‘Bato’ nga si PNP chief dela Rosa kag ang ‘Bato’ nga si Pedro’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 16, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
ISA ka abyan ang namangkot sa aton kon ano ang diperensya ni “Bato” nga nagatumod kay Philippine National Police (PNP) chief Ronald dela Rosa kag kay San Pedro nga ginkilala ni Kristo bilang ang “bato” (rock) sa diin tuguron ni Kristo ang iya Simbahan.
Nakakadlaw kita sa sining pamangkot sang aton abyan. “Daw ginapaaway mo si PNP chief kag si San Pedro, haw?” tugda ko gani nga naham-ut.
“Indi, a. Nadumduman ko lang nga sa ubra ni PNP chief nagagamit siya sing armas sa iya trabaho bilang pulis, samtang si San Pedro, sa nahibal-an ko, may armas man gali samtang naga-upod siya kay Kristo sa pagpanudlo sang pagtuo,” sabat sang abyan ta.
Ang pagbasa naton sa Bibliya nagasiling, sunu sa John: 10-11 sa New International Version (NIV) sang sining tulun-an, matuod nga may dala si San Pedro sang patalom sa ila panglakaton. Ang Bibliya nagasiling gani nga may isa pa gid ka disipulo si Kristo nga may dala man sing armas.
Ang John:10-11 nagapahayag nga si San Pedro nag-gabut sining patalom (sword, sa English ng Bibliya) kag paagi sini gintapyas ang dulunggan sang suluguon sang Jewish high priest nga ka-kumplot sang mga soldado Romano agud dakpon si Kristo sa Hardin sang Gethsamane.
Ginpunggan ni Kristo si San Pedro pero ulihi na kay natastas na sang naulihi ang dulunggan sang alagad sang high priest.
Amo ina gali ang luyag ipaathag sang aton abyan – kon ngaa si San Pedro may patalom samtang ang iya trabaho upod kay Kristo amo ang pagtudlo sang gugma kag paghinirupay.
Well, ang paathag sang mga eksperto amo nga bisan diin may mga tawo nga may malain sing tinutuyo. Sa panahon ni Kristo madamo man sing mga makawat kag mga nagapamangga sa dalanon agud maghimo sing katontohan sa ila pareho nga wala pili.
Apang, ang dala ni San Pedro isa lang ka “short sword” nga para pangamlig lang batok sa sining may malain nga katuyuan nga mga tawo. Indi agud makig-away. Sa malip-ut nga pulong, para lang sa “self-defense” yadtong patalom ni San Pedro kag sa pag-amlig kay Kristo kag ila mga kaupdanan samtang nagapanglakaton.
Sa kaso ugaling sang mga pulis, indi lang pang-self-defense ang ila armas, kundi lakip man ang mataas nga kalibre nga armas, katulad sang armalite, nga ila magamit batok sa mga delikado na gid nga mga kriminal.
Sa masami, ang ginatugut lang sa mga sibilyan sa ila personal nga proteksyon amo ang “short firearm” ukon malip-ut nga luthang.
Kay si San Pedro kag si PNP chief dela Rosa mga Kristiyano – sumulunod ni Kristo – kabay lang tani nga ang aton mga pulis sa idalom ni PNP chief ma-training lang sa maki-kristiyano nga pakigbato sa mga kriminal sa sosyedad. Piliton gid nila nga madakpan ang ining mga kriminal bag-o mapilitan na gid sa pag-depensa sang ila kaugalingon nga indi maunahan pa sang sining mga kriminal.
Sa paggamit sang iya armas, nagsala ugaling si San Pedro sang nangin violente ini. Indi tani ginhimo ini ni San Pedro. Isa pa, ang natalana dapat na matabo. Amo gani nga ginsaway siya ni Kristo.
Tani magpakita man sing husto nga pagpasaway ang aton mga pulis sa sining padayon nga pakigbato nila kontra sa mga kriminal sa aton sosyedad.
Luyag gid naton makita nga kon mahimo lang matagaan sing “second chance” bisan ang mga kriminal, katulad sang ginpakita ni Kristo sa iya pagpanudlo./PB
[/av_textblock]
[/av_one_full]
