[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’DAW TUL-AN NGA GINAAGAWAN’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Roberto ‘Bert’ Ladera
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 17, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Nagsugod na ang pagpahamtang sang mga kiosko sa gwa sang Jaro Plaza, ilabi na sa nadesignar nga bahin sang dalan nga mas masangkad kag mas makaakomodar sa mga magabaligya.
Kaangay sa ginalauman, ang mga reklamo ang nagtuhaw man daw kasubong sang uhong nga naulanan kag nainitan. Madamo sang naga-kwestiyon sa legalidad sa pagtugot sa mga manugbaligya nga okuparon ang isa ka linya sang karsada. Madamo sang nagaamar nga makaganar paagi sa sini nga hilkuton kon sa diin sadto pa man nangin dagaya ang ila ganar bangod sa padugi nga ila ginhimu kon paano mapuslan ang Jaro Plaza.
Ginpahawan ang Jaro Plaza sa katuyoan nga indi magpagusa ang iban sa pagpanginpulos diri paagi sa pagtugot sa kon kay sin-o nga manugbaligya nga ginasukot kag indi maathag kon kay sin-o nagakadto ang bayad kag kon paano mahatagan sang bahin ang gobyerno sa ila naganar.
Pila ka tuig ang ila pagbenepisyo, pila ka tuig nga wala sang may nakatul-id kon paano nila ginapanginpuslan ang ila kita apisar nga nagapahayag man sila sang ila kagastohanan. Makapila na ka beses nga naglunsar sang imbestigasyon angut sa ilegal nga pagpanukot sa mga manugbaligya kag sa balor nga tuman ka daku.
Karon, ginpunggolan sang ila tuburan ang mga nagbenepisyo sang lubos sa aktibidades sa plaza sa tagsa ka maghiwat sang tuigan nga kapyestahan ang distrito sang Jaro.
Naghumok ang ilong ni Mayor Jose Espinosa III sa pihak sang iya matig-a nga panindugan nga wala sang may makabaligya sa sulod sang plaza, kag iya karon ginhatagan sang gahum nga magdumala ang Jaro ABC sa pila ka kiosko sa gwa sang plaza nga naga-okupar sang katunga sang dalan.
Madamo sang nagapangabay nga butangan sang perya kag baligya agud nga mabatyagan man ang ispirito sang kapyestahan bangod nga kon wala sila daw halos maluya kag daw indi piyesta sa distrito sang Jaro.
Matuod nga indi magulpi ang pagdula sa mga naandan na sa pila ka dinag-on. Makatilinga ang sitwasyon kag makapung-aw sa mata kag balatyagon kon wala sang mapagsik nga hilikuton nga makita sa palibot.
Bangod sini, nagpagwa sang Executive Order No. 2 series of 2018 si Mayor Espinosa nga nagatugot sa Jaro ABC nga magdumala sa Jaro Agro-Industrial and Charity Fair.
Madamo sang nagareklamo sa pag-okupar sa katunga sang dalan sang mga ginpahatamtang nag kiosko sa rason nga nagatuga sang paggutok sang trapiko kag nagahatag sang huol sa mga nagalabay.
Nagpabutyag man si Barangay Kagawad Abelardo Salting sang Barangay Benedicto, Jaro nga dapat magkwa sang permiso sa ila barangay ang mga manugbaligya.
Nagasumpakilay sila sang presidente sang Jaro ABC nga si Punong Barangay Leo Lindero sang Barangay Our Lady of Lourdes.
Mapin-ot ang sitwasyon nga wala sila sang ganaron sa kapyestahan sang Jaro bangod nga nangin kultura na ini sang mga punong barangay sa sini nga distrito.
Bisan ang tul-an, karon ila na ginaagawan lamang nga makaangkab sang ila bahin kag matilawan ang sabor nga nabilin.
Maathag nga ang plaza sang Jaro daw tul-an nga ginaagawan./PB
[/av_textblock]
[/av_one_full]
