[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’P500K lang nakapatindug sang press club building?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 23, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
NATINGALA kita sa akusasyon batok kay Congressman Jerry Treñas angot sa kuno P500,000 nga ginhatag niya sa Iloilo Press Club halin sa iya anay pork barrel agud ipatindug sang building para sa mga mamantala dira sa distrito sang Molo sa Siyudad sang Iloilo.
Ang nahibal-an ta amo nga, kon may ara gid man nga nahatag sa press club nga P500,000 nga halin sa pork barrel sang pulitiko, halin ato kay Senadora Loren Legarda kag indi kay Treñas.
Kag tungod wala ini maghalin kay Treñas, paano abe naton maakusaran si Treñas nga iya ini ilegal nga kontribusyon, kon ilegal gid man, para sa building sang press club sa Molo?
Galibog gani ang ulo ta nga nakapatindug ang press club sang building nga gabili P8 ka milyon, samtang ang kuno ginhatag lang para sini P500,000 lamang halin sa pork barrel sang kon sin-o nga pulitiko.
Ang nahibal-an ta pa gani amo nga ang nagpatindug sining press club building isa ka pribado nga tawo nga may kaangtanan man sa trabaho sang mga mamantala .
P500,000 para ipatindug sang press club building nga nagabili P8 ka milyon! Daw magic ba!
Na-misinformation lang seguro ang Ombudsman. Tungod sini, nada ini nga akusasyon kay Treñas kag ma-dismiss lang ini nga wala sing duha-duha.
-0-0-0-
Wala kita sing duha-duha nga si Gobernador Art Defensor Sr. gid ang masunod sa kon sin-o ang mangin kandidato sang PDP-Laban para gobernador sang Iloilo sa palaabuton nga eleksyon sa 2019.
Ina tungod ina ang kondisyon ni gob agud magsulod sa PDP-Laban halin sa iya daan nga partido nga Liberal Party. Ginpasalig ini ni Speaker Alvarez sadtong oath-taking sang mga bag-o nga myembro sang PDP-Laban sang sini lang sa Pototan, Iloilo.
Sobra 4,000 ang nagsumpa sa partido sa sining okasyon sa Pototan, Iloilo.
Ang pagpasalig ni Alvarez nga ini pagkilala ini sa mabaskug kaayo nga liderato ni Defensor sa probinsya nga wala sing pagkalingkang sa sulod na sang madamo nga tinuig.
Nahibal-an ini ni Alvarez mismo. Si Defensor nangin kongresista, deputy majority floor leader sa Kongreso, kag gobernador nga wala gid kaagi pierde.
Natandaan ta man kon ano kabaskug si Defensor bisan yara siya sa grupo oposisyon sang nagdalagan kag nagdaug para regional assemblyman kontra sa mga kandidato ni anay Diktador Marcos sa Western Visayas sa ulihi nga tinuig sang rehimeng Marcos.
Sunu sa sining ginhisugtan ni gob kag ni Alvarez, si Art “Toto” Defensor Jr. ang mangin kandidato para gobernador sang PDP-Laban sa ining masunod nga eleksyon.
Tungod sini, si Kongresista Ferj Biron indi na puede suportan sang PDP-Laban sa iya handom para sa amo nga pwesto. Kon luyag gid niya, madalagan na gid lang siya sa idalom sang iya partido nga Nacionalista, nga nakig-coaliton sa PDP-Laban.
Segurado ta nga dag-on ni Toto Defensor si Biron kon piliton gid niya magdalagan para gobernador. Kilala si Toto Defensor sa katampad kag kapisan sa pagserbisyo sa banwa katulad sang iya amay. Ag pagka-tatak Defensor lang ni Toto bastante na agud maghatag sang pagsalig sa iya ang mga pumuluyo.
Tungod sina, indi na gid lang seguro magdalagan gobernador pa si Biron agud kontrahon si Toto Defensor. Kanugon lang sang iya gastuhon, kon matabo, kag madis-ugan pa siya sa iya coalition sa partido PDP-Laban kag sa benepisyo nga makuha niya sa padayon nga pag-upod diri.
Upod sa sining aton panghuna-huna, of course, ang aton pagpati nga indi ma-apektuhan ang eleksyon lokal sang gina-plano nga pagbag-o sang Konstitusyon.
-0-0-0-
Sa aton pag-suporta sa Constitutional Covention (con-con) para sa bag-o nga Konstitusyon, indi kinahanglan sang Kongreso magdihon sang isa ka draft constitution agud botohan na lang sa referendum sang pumuluyo.
Ina tungod dalhon ining mga proposal, lakip sa pagtukod sang federal government kag iban pa nga amendment, sa kampanya sang mga kandidato para delegado sang con-con.
Ang mga pumuluyo na lang mismo ang maghusgar kon ano nga amendment ang ila luyag. Ini nga luyag sang pumuluyo mahibal-an naton sa mga delegado nga padag-on nila sandig sa ila mga proposal sa kampanya./PB
[/av_textblock]
[/av_one_full]
