[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Wala sa pulong ang ikasarang sa panghuna-huna ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 27, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Madamo sing salamat sa mga abyan ta nga nakapabutyag nga nagabasa sila sang aton kolum sa Panay Balita nga sister publication sang Panay News, ang No. 1 nga local English daily sa Western Visayas.
Ang Panay Balita gali amo man ang naga-isahanon nga local daily sa Hiligaynon, ang mayor nga pulong sang mga Ilonggo, nga sunod sa Tagalog kag Cebuano sa kadamuon sang nagahambal diri sa Western Visayas kag sa iban pa nga bahin sang pungsod.
May mga abyan ta ugaling nga bumalasa ang nakamuno kon ngaa kon kis-a indi nila mabasahan ang aton kolum sa amon website sa internet upod sa Panay News.
Well, basi gapaabot sila nga mabasa ining kolum naton sa adlaw-adlaw (luas kon Domingo). TTS lang ako nagasulat sang akon kolum – Tuesday, Thursday kag Saturday.
Sa nagreklamo kon ngaa kon kis-a indi nila mabasahan ang aton kolum bisan sa TTS, natalupangdan man naton ini. In fact, nagreklamo na kita sa aton editor nga nagreklamo man sa kay kon sin-o nga natungdan. Sala man lang ina seguro sang malipaton nga puede mabulong.
Para seguro nga mabasahan ninyo ang akon kolum, palihog lang bakal kopya sang Panay Balita sa newsstand katulad sang ginahimo ko. Barato man lang, a. P8 ukon P10 man lang sa newsstand.
-0-0-0-
Laban sang bumalasa sang aton kolum sa Panay Balita mga daan ko nga bumalasa sa mga pamantalaan kag magasin – lokal kag sa abroad – sa diin daan ako nagasulat sa Iningles (sa sulod na sang sobra 30 anyos) bilang reporter kag editor bag-o ako magsaylo diri sa Panay Balita kag magsulat sang kolum sa Hiniligaynon.
Liwat nagapasalamat ako sa ila pagsunod sang akon nga sinulatan bisan diri sa lokal na nga dialect.
Gapakilala ini nga wala sa pulong – lokal man ukon international – ang tindug sang isa ka tawo. Siling gani sang abyan ko, nga karon nagabasa man sang aton sinulatan sa Hiligaynon, indi tungod gasulat ang isa ka tawo sa lokal nga pulong nga kulang siya sing tinun-an ukon indi niya masarangan magdala sang maayo nga ideya.
Para sa sining aton abyan ko, mapuslanon man kuno ang aton ginatugdaan – relevant, timely kag challenging.
Makatalambok sang balatyagon ining imo ginhambal, brod. Salamat gid.
-0-0-0-
Natabo ining pagsaylo ko sa pagsulat sa pulong nga Hiligaynon sa Panay Balita tungod sa pagpangagda sang amon publisher agud updan ang pagpalapnag sining aton matam-is nga pulong sang mga Ilonggo.
No problem, siling ko sa iya kay amo man ang tion sadto nga nagapahuway-huway ako sa regular nga pagsulat sa isa ka English daily diri sa siyudad sag Iloilo tungod sa kinahanglanon sang akon ikaayong lawas.
Sa pensar ko gani nga okey lang ang mangin freelance writer sa pagsulat sang kolum. Tutal tatlo man lang ka beses kada semana. Makabulig pa ini, sunu sa akon doktor, agud malikawan ko ang dementia (malipaton) nga masami balatian sang may edad-edad na.
Mga tatlo na ka bulan gani ang pagsulat ko sang akon kolum sa Panay Balita.
Kon parti sa pagpalangga sa aton nga pulong, indi man masiling nga nagkulang kita bisan nagdugay ang pagsulat ta sa Iningles.
In fact, nangin myembro ako sadto sang Sumakwelan, isa ka talapuanan sang mga manunulat sa Hiligaynon sang mag-edit ako sang isa man ka pamantalaan sa Hiligaynon nga nagagwa tatlo ka beses kada semana, upod sa isa ka English daily kag isa ka magasin nga ako man ang editor.
Medyo nangin masaku lang kita sa iban nga buluhaton amo nga naglaka man ang pag-attend ta sa mga miting sini.
Sang nagligad nga semana, nagkit-anay kami sa mall ni Judge Pamonag, ang ulihi nga presidente sang Sumakwelan sa diin nagapasakop pa ako sadto sa mga miting. Gin-agda niya ako liwat agud magin regular nga myembro sang Sumakwelan.
Nangaku ako mag-attend sa sunod nga regular nga miting sa 3rd Week of Wednesday. Ma-attend ako, a./PB
[/av_textblock]
[/av_one_full]
