[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’DAGYANG ‘TA!’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 27, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Nag-abot na gid man ang ginakalangkagan sang madamo, ang duha ka adlaw nga highlight sang Dinagyang Festival 2018 sini nga Sabado kag Domingo.
Ang subong nga tuig nga selebrasyon mas espesyal tungod nga ika-50 ka tuig na ini sang bugal sang mga Ilonggo nga Dinagyang Festival nga may festival theme, “Timeless Tradition, Culture and Devotion” kag religious theme nga “Señor Santo Niño: Chaste, Poor and Obedient Son of God.”
Subong nga Sabado sang aga, madamo na ang nagabantay sa performance sang mga tribu nga mapasakop sa Kasadyahan Festival nga ginalakipan sang:
* Pintaflores sang Syudad sang San Carlos, Negros Occidental
* Tinabuay sang Murcia, Negros Occidental
* Banigan sang Libertad, Antique
* Binagtong sang Manggahan sang Nueva Valencia, Guimaras
* Mangunguma (Manggahan Festival), San Lorenzo, Guimaras
* Manughabol kang Salakayan sang Miag-ao, Iloilo
* Pantat sang Zarraga, Iloilo
*Tultugan sang Maasin, Iloilo
* Haw-as sang Dumangas, Iloilo
* Tribu Kaing sang Leon, Iloilo.
Pagka-Domingo naman, paabuton na nga mangin mas masadya, maduagon kag magahod ang mayor nga dalanon sang syudad partikular sa lima ka mga judging areas sa Iloilo Freedom Grandstand, kapitolyo probinsyal sang Iloilo, Delgado-Mabini Streets, Quezon-Ledesma Streets, kag Maria Clara Street sa pagpasundayag sang mga tribu sa Ati Tribes Competition. Makahalawat-hawat man ini bangod nagatutok ang madamo sa pagdepensa sa ila titulo sang defending champion nga Tribu Salognon sang Jaro National High School.
Luwas sa Salognon, ang iban pa nga pumalasakop nga mga tribu amo ang:
* Paghidaet sang La Paz National High School
* Obreros sang Bo. Obrero National High School
* Ilonganon sang Jalandoni National High School
* Dagatnon sang Ramon Avanceña National High School
* Panayanon sang Iloilo City National High School
* Buntatalanit sang Tiu Cho Teg Ana Ros Foundation Integrated School
* Pan-ay sang Fort San Pedro National High School
* Amihan sang Mandurriao National High School
* Tapasnon sang Tapaz, Capiz.
Ang magakampiyon sa Ati Tribes Competition makabaton sang P250,000 nga cash. Samtang ang first runner-up magabaton P175,000; second runner-up – P150,000; third runner-up – P125,000; kag fourth runner-up – P100,000.
Sa bahin naman sang Kasadyahan, ang first runner-up makabaton P175,000; second runner-up, P150,000; third runner-up, P125,000; kag fourth runner-up, P100,000.
Magluwas diri, ginhiwat naman kahapon ang Tambor, Trumpa, Musika (drum and bugle contest) kon sa diin P190,000 ang batunon nga premyo sang magadaog./PB
[/av_textblock]
[/av_one_full]