[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’‘DRUG COURIER’ DAKOP SA PORT’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 30, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
P18-M ‘shabu’ nakumpiskar
Syudad sang ILOILO – Ginabanta nagabili sang P18 milyones ang ginasuspetsahan shabu nga nakumpiskar sa gina-alegar drug courier nga mag-live-in partner nga nadakpan sa buy-bust operation sa Dumangas Port sa Naluoyan, Barangay Sapao, Dumangas, Iloilo alas-8:30 sang Domingo sang gab-i.
Ginkilala ang mag-live-in partner kanday Jose Alberto Pinaga y Kilayko, 32, kag Maebelle Belmonte y Poblador, 31, lunsay tumandok sang Barangay Mabulac, Syudad sang Silay, Negros Occidental.
Base sa rekord sang Iloilo Police Provincial Office (IPPO), nagkasar sila sang buy-bust operation sa pagpamuno ni Senior Supt. Marlon Tayaba kaupod ang puersa sang Negros Occidental Police Provincial Office (NOPPO) kag Philippine Drug Enforcement Agency (PDEA) 6 kontra sa subject nga si Pinaga.
Manogsakay na kontani sa ro-ro vessel ang maglive-in partner kaupod ang minor de edad nila nga anak para magpadulong sa Negros Occidental sang gindakop sila sang mga otoridad.
Antes ini, natukiban sang mga pulis nga naghalin ang mag-live-in partner sa Batangas kag nagsakay sa ro-ro padulong sa Calapan, Mindoro kag Caticlan, Aklan kag nagbiyahe naman padulong sa puerto sang Dumangas sakay sa pickup.
Narekober sa paghinakop sang mag-live-in partner ang duha ka plastic sachets sang ginasuspetsahan shabu nga subject sa buy-bust, dugang nga duha ka gagmay nga plastic sachets sang ginapasuni shabu, isa ka daku nga plastic sang ginapasuni shabu nga ginabanta nagabug-at sang isa ka kilo, tatlo ka mga cellphones, kag P4,000 nga kwarta lakip na ang boodle money.
Sa pagbanta man sang IPPO nga nagabalor sang P18 milyones ang nakumpiskar nga gina-alegar droga sa paghinakop sang duha ka arestado nga ginapatihan ginakuha pa ni Pinaga sa Luzon.
Tion naman sang interogasyon sang mga pulis kay Pinaga, ginsugid niya ang parte sa isa ka persona nga contact niya sa Negros Occidental rason nga nagkasar man sang follow-up operation ang NOPPO. Nadakpan alas-cinco sang aga kahapon sa Mandalagan, Syudad sang Bacolod ang senior citizen nga si Corazon Vergel.
Nakuha sa paghinakop ni Vergel ang 15 gramos sang ginasuspetsahan shabu balor P180,000. Gina-alegar pa nga madugay na ini nga naga-intra sa pagduso sang ilegal nga droga sa Negros.
Samtang ginasulat ini nga balita, ang mag-live-in partner yara na sa kustodiya sang Dumangas PNP samtang si Vergel ang yara na sa NOPPO kag magapangatubang sila sang kaso nga pagbayolar sang Sections 5, 6 kag 26 sang RA 9165 ukon Comprehensive Dangerous Drugs Act of 2002./PB
[/av_textblock]
[/av_one_full]