[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’‘Less bloody’ nga anti-drug nga operasyon sang PNP?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 1, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
SA pagbalik sang operasyon sang mga kapulisan kontra ilegal nga droga, ginpasalig ni Philippine National Police (PNP) chief Ronald dela Rosa nga mangin “less bloody” na ang ila operasyon.
Ginpaseguro man niya ang pagrespeto sa human rights, istrikto nga pagpatuman sang kasuguan, kag operasyon nga bukas sa publiko sa diin may salabton ang mga pulis sa ila mga kasaypanan lakip na sang ila liderato ukon “command responsibility” sa tanan nga operasyon.
Tuod? Ti, mahibaluan ta ini seguro kon may mga pulis na nga madutlan sang mga akusasyon. Pero, kon may ara gid man sa subong, daw panipis lang ining mga akusasyon. Tani ma-priso gid ang may sala para may leksyon agud ang iban mag-andam man.
Amlig man seguro si PNP chief sa iya ginapasalig nga “command responsibility.” Mamuk-mukan gid siya sini kon matabo, lakip na si Presidente Duterte.
-0-0-0-
Makita ta ayhan ining pasalig ni PNP “Bato” dela Rosa? Seguro kon ang maki-Kristiyano lang nga pag-depensa sa kaugalingon sang aton kapulisan, bisan “agresibo” pa, katulad sang pag-depensa ni San Pedro “Bato” kay Kristo, wala kita sing paligban dira.
Well, laban-laban wala gid man kita makita nga maduguon nga operasyon sa Oplan Tokhang bisan magbalik pa ini. Ina tungod “house visitation” lang ini sa mga suspetsado sa paggamit sang droga kag sang ila mga pamilya agud padumdumon sila nga likawan ining malain nga bisyo.
Sa idalom sang aton kasuguan, ang drug user (sa idalom sang Oplan Tokhang) puede mahilway sa pagpanglagas sang kasuguan kon isumite nila ang ila kaugalingon sa rehabilitasyon.
Angot gani sini, ang Philippine Drug Enforcement Agency (PDEA) may mga reformation center para sa mga “voluntary drug surrenderers” sa diin mabuligan sila sa mga livelihood training, after-care services kag social reintegration programs upod sang gobyerno kag mga nongovernment government organizations (NGOs).
Ang problema naton ara posible sa Oplan Double Barrel, sa diin ang mga pulis magapatigayon sang pangdakop sa mga drug pushers kag mga drug lords.
Diri sa sini nga operasyon nga nangin maduguon ang anti-drug campaign sang mga pulis, nga gina-ugyunan pa sang mga vigilantes, nga iban sini mga pulis pa gani kag mga binayaran nga mga mamatay-tawo.
Sa sini nga mga operasyon naggwa ang mga akusasyon sang extrajudicial killings (EJK), ukon ang basta pagpatay lang sa mga suspetsado nga wala matagaan sing “due process”, ukon sang ila kinamatarong nga masabat ang ila kaso sa atubangan sang aton hukmanan.
Malain pa kay ining mga kaso sang EJK naglakip pa sang mga menor edad nga gina-proteksyunan sang aton kasuguan batok sa wala nagakaigu nga reaksyon sang aton otoridad sa ila mga buhat nga indi pa nila lubos mahangpan sa ila linghod nga pang-edaron.
Tubtub subong, halin sa pagpungko ni Presidente Duterte sa pwesto sang Hulyo 2016, sobra na 4,000 ang napatay sa anti-drug campaign nga ginpasingki pa sang madamo nga reklamo sang mga human rights advocates sa bug-os nga kalibutan, lakip na ang United Nations.
Tungod sining mga reklamo, ginpauntat na ni Presidente ang malawakan nga operasyon sang kapulisan kag ginbalik ini sa PDEA sa diin ang mga pulis magahatag lang sang intelligence kag suporta sa paglagas sa mga durugista.
Ugaling, nagagwa nga ang kabug-usan nga anti-drug campaign indi tanan maatubang sang PDEA, kag ginbalik sang sini lang ang malawakan nga kampanya sang kapulisan.
Apang, naniguro man si Presidente nga ang kabaris sang pila ka pulis malikawan na. Ang ila operasyon subong limitado lang sa alas otso sang aga (8 AM) tubtub a las cinco sang hapon (5 PM), nga mabudlay ilikom sa mga pumuluyo.
Which also means, nga samtang updan man ini sang PDEA, pun-an man sang PDEA ang nabilin nga inoras, sa diin wala ang pumuluyo sing dapat kakulbaan, base sa napakita na sini nga pagdala sang operasyon.
In fact, sa una nga 100 ka adlaw sang pag-serbisyo ni PDEA Director Aaron Aquino tubtub sining ulihi, wala pa sing may napatay nga suspetsado sa ila operasyon.
Ang ila accomplishment nagalakip sang masunod: 1,321 ang naaresto; P228.81 ka milyon nga bili sang droga ang nakuha sa mga suspestado; kag 3,476 ka nahimo nga operasyon./PB
[/av_textblock]
[/av_one_full]
