[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lalaki ginlubong sa banglid’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Cyrus M. Garde
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 1, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang BACOLOD – Naligaran pa sang tatlo ka adlaw kag nasapwan ang bangkay sang 44-anyos nga lalaki nga ginlubong sang hapaw sa banglid kag gintabonan sang mga bato sa Sitio Pinapugasan 2, Brgy. Pinapugasan sa Syudad sang Escalante, Negros Occidental mga alas-8:30 sa aga sang Martes.
Sandig sa pahayag ni Chief Inspector Rollie Pondevilla, hepe sang Escalante City PNP, ginkilala ang biktima nga si Danilo Homogdaw Banzon, may asawa kag naga-istar sa Sitio Mansulaw sakop sang Brgy. San Isidro, Toboso.
Natukiban nga may igu sa ulo si Banzon nga ginpatihan ginlamposan sang matig-a nga bagay kag may bunu sa lawas nga gintunaan sang iya kamatayon.
Sunu pa sa imbestigasyon sang mga pulis nagkadto ang biktima sa Syudad sang Escalante bangod may yara sang pabulang. Ginapahayag nga may nakabais ang biktima mga alas-10 sa gab-i sadtong Domingo.
Pahayag naman sang iya pamilya, wala nakapauli si Banzon sugod sang Domingo kag ila ginpangita tubtob nga nasapwan na lang ini nga nakalubong kag yara na sa “state of decomposition.”
Sunu pa kay Pondevilla nga may ara na sila sang mga suspek nga iya ginkilala nga sanday Jovy De Gracia, 25; Rolando Lausa, Jr. alyas Joker, 26; Isagani Lumayno, 26; kag Juanito Lumangyao, 57, tanan naga-istar sa Sitio Pinapugasan 2 sakop sang Brgy. Pinapugasan.
Ginahanda naman subong sang Escalante City PNP ang nagakaigu nga kaso nga ipasaka batok sa mga suspek sa tion nga madakop na ang mga ini./PB
[/av_textblock]
[/av_one_full]
