[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’NUESTRA SEÑORA DE LA CANDELARIA’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni ROBERTO ‘BERT’ LADERA
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 2, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Nagahatag kita sang pasidungog, mataas nga pagkilala kag lubos nga pagtahod sa patron sang Western Visayas sa sini nga adlaw.
Antes nagbutlak ang adlaw, madamo na sang pumuluyo ang nagadalikat nga makapadulong sa katedral sang Jaro agud nga makatambong sa misa kag mangin kabahin sang relihiyoso nga hilikuton sang Simbahan Katoliko.
Madamo sang mga deboto ang nagahingagaw nga makabakal sang kandila, ang iban halos madamo nga kandila ang ila ginabakal agud itigana sa tion nga magdulom kag sa pagpati nga ang perdon lang ang makasiga sa tion nga nagadulom ang kalibutan, nga indi maasi-asi patay sang hangin kag ano man nga sirkumstansya.
Ang ini nga pagpati tuhoy sa perdon ang naglaton na umpisa pa sadtong una nga panahon tubtob sa karon kag sa palaabuton nga henerasyon.
Pormal nga ginakilala bilang Nuestra Señora de la Purificación y Candelaria ang aton naandan nga Nuestra Señora de la Candelaria ukon Our Lady of the Candles kag isa ini ka Marian title kag imahen nga ginhatagan sang daku nga pagtahod sang mga Flipino nga Katoliko. Ang imahen nga nahamtang sa balkonahe sang katedral sang Jaro ang kilala bilang patron sang distrito sang Jaro sa Syudad sang Iloilo kag sa bug-os nga Western Visayas.
Madamo sang nagasaulog, madamo sang nagasimba, madamo sang mga deboto apang kulang sa tul-id nga ihibalo bangod nga ang kabataan sang subong nga henerasyon ang wala mahatagan sang angay nga impormasyon kon paano nagsugod ang pinasahi nga debosyon.
Sunu sa tradisyon, ang una nga estatwa nagtuhaw sadtong tuig 1587 sang ang grupo sang manugpangisda ang nakakita sini nga nagalutaw sa suba. Una nila nga ginhakwat apang indi nila madala bangod sa kabug-at kag sang ila gindesisyonan nga dal-on sa Jaro nangin mamag-an kag mahapos nga dal-on.
Nabutang sadto ang estatwa sa gamay nga nitso kag sunu sa mga pumuluyo nagadaku ang estatwa sa nakalipas nga dinag-on tubtob nga ginsaylo sa balkonahe nga karon makita sang mga nagalabay kag mapadulongan paagi sa pagsaka sa may balkonahe.
Gindeklarar nga patron sang Western Visayas ang nasambit nga estatwa ni Pope John Paul II nga amo man ang nagkorona sa estatwa sadtong Pebrero 21 1981 sa tion sang iya una nga Apostolic visit sa Pilipinas. Bangod sini, ini ang naga-isahanon nga estatwa ni Maria sa Pilipinas nga personal nga ginkoronahan sang Santo Papa kag nangin isa man ka Santo.
Malawig man ang iya nalab-otan, pila na ka dinag-on ang nalabayan apang nagapabilin sa gihapon ang debosyon sang mga tumuluo.
Madamo pa sang dapat mahibaluan sa iya kasaysayan, madamo pa sang dapat matukiban ang ulihi nga henerasyon kon paano nagbakud kag nagabakud ang debosyon.
Ang kapyestahan sang Jaro indi dapat lantawon nga tion sang paghampang sa peryahan sa plaza, higayon nga makabaligya kag makaalgo sang ginansaya sa plaza, kag tion sang malawig nga sambuwa sang mga manok nga inugbulang.
Labaw sa mga pone kag ornamento sang pagsaulog sang kapyestahan, dapat mas mangibabaw ang debosyon nga naandan kag ipatudok sa ulihi nga henerasyon ang pagtuo sa patron./PB
[/av_textblock]
[/av_one_full]
