[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Concha, nagapanago sa Panay – Phil. Army’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 6, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Kasunod sang mando ni Presidente Rodrigo Duterte nga arestuhon ang ginhilway sadto nga mga consultants sang National Democratic Front of the Philippines (NDFP) nga nagpasakop sa peace talks, indi na makita subong ang landong ni Maria Concepcion “Concha” Araneta Bocala.
Si Bocala isa sa mga NDFP consultants nga ginpasugtan nga makapiyansa para makigbahin sa naalimunaw nga peace talks sa tunga sang gobyerno kag NDFP sa Oslo, Norway.
Pero base sa intelligence monitoring ni Colonel Pio Diñoso, commander sang 301st Infantry Brigade sang Philippine Army sa Camp Adriano Hernandez, Dingle, Iloilo, padayun nga nagapanago sa isla sang Panay si Bocala kag wala pa nakagwa sa rehiyon 6.
“Nasa Panay lang sia. Kasi comfort zone niya eh. Dito siya maraming kilala. Dito puwedeng may tumulong sa kanya kung saan niya gusto magtago,” hambal ni Diñoso.
Ginpasiguro man sini nga indi sila magduha-duha sa pag-aresto kay Bocala sa oras nga matultolan ang ginapanagoan sini.
Sunu man kay Diñoso nga may nakatutok nga task force para sa pagdakop indi lang kay Bocala kundi sa iban pa nga mga consultants nga padayun nga nagapakatig-a bisan ginmandoan na sang presidente nga magbalik sa prisohan.
Matandan nga ginpirmahan ni Duterte sadtong Nobyimbre 2017 ang Proclamation 360 nga nagdeklarar sa pagbasura sang peace negotiations sa National Democratic Front-Communist Party of the Philippines kadungan sang pagmando nga arestuhon ang mga NDFP consultants pero dapat nga sundon ang legal nga proseso.
Angut sini, nagpaandam si Diñoso nga mas mabug-at nga silot ukon kaso ang atubangon ni Bocala kon indi sia magsungka sa mga otoridad ilabi na nga wala na sia sang immunity.
“Ang order ng president bumalik na sila sa kulungan. Otherwise kung huhulihin sila mas malaki ‘yong parusa ng magiging violation nila,” dugang sang opisyal sang Army.
Nahibaluan nga apat ka mga kaso ang gina-atubang ni Bocala sa Panay nga ginalakipan sang murder sa Regional Trial Court (RTC) Branch 2 sa Kalibo, Aklan; rebellion sa RTC Branch 33; illegal possession of firearms and explosives sa RTC Branch 23, Iloilo City; kag isa pa ka rebellion sa probinsya sang Antique.
Madumdoman nga una nga gin-aresto si Bocala sang Criminal Investigation and Detection Group kag 3rd Infantry Division sang Philippine Army sadtong Agusto 1, 2015 sa gina-arkihalan sini nga balay sa Juntado Subdivision sa Barangay Calumpang, distrito sang Molo, Syudad sang Iloilo./PB
[/av_textblock]
[/av_one_full]