[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MANGIN MURTO ANG NEGOSYO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Roberto ‘Bert’ Ladera
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 7, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Madamo sang mga negosyante sa mga dalanon nga nagrenta sang kiosko sa Iloilo Dinagyang Foundation Inc. ang nagpanghakroy bangod sa pigado nga kita sa tion sang Dinagyang Festival.
Nagbatyag sang mahina nga bentahanay ang mga manugbaliya sa mga dalanon sang Valeria kag Delgado bangod sa tuhay nga sitwasyon nga ila nasalapuan.
Matuod nga nagalipas ang panahon, madamo sang mga pagbag-o nga indi gid mapunggan, may mga ginaduso nga mga bag-o nga ideya kag hilikuton nga mahimu makaganyat sa mga pumuluyo, nagaagaw sang ila nga atensyon kag nagalisa sa naandan na nga ginahimo sa tagsa ka tuig.
Sa kinaandan ang mga tawo nagapadulong sa mga kiosko agud nga magkaon sang mga sinugba nga baboy, manok ukon mga seafoods nga napreparar para sa mga nagalabay kag sa mga grupo ukon kakilala nga nagapangtultol kon sa diin nahamtang ang kiosko sang ila man kakilala.
Nagtuhay na ang lakat sang negosyo bangod nga malaka na ang tawo nga nagatenir sa sentro sang syudad. Madamo na sang lagawan nga lugar kag madamo na sang maplastaran nga matawhay. Nagpangita na sang alternatibo nga lugar ang mga nagapadulong sa syudad agud magsadsad.
May nagasiling nga mas maayo pa ang kita sang mga nagpahamtang sang negosyo sa ugsaran sang kapitolyo. Madamo sang mga kustomer kag mas komportable ang ila pagsinarayo. Mas matawhay ang ila sitwasyon kon sa kapitolyo sila nagakaon.
Posible bangud man sa epekto sang ordinansa sa pag-inom sang makahulubog nga ilimnon rason nga ang iban nga nagpreparar sang ilimnon ang wala masyado nakapaubos sang pila ka kaha nga ila gintarget nga mapaubos sa sina nga okasyon. Natapos lang ang Dinagyang apang ang ila ginhanda nga kadamuon sang ilimnon ang wala gid makalab-ot sa katunga.
Natingala man sila bangud nga halos wala na sang banda nga nahamtang sa naandan nga mga lugar sa dalan sang Valeria kag Delgado kag nangin malinong kag wala sang kalingawan ang mga nagakaon kag naga-inom.
Naga-amat-amat na tahaw ang naandan nga gawi. Nagakapanas na bangud sa mga polisiya nga ginapatuman kag ang mga tawo nagakadto na sa mga bag-o nga padulungan.
Ginbutong man sang Parade of Lights nga aktibidades sa Diversion Road paulong sa Iloilo Business Park ang mga tawo gikan sa City Proper Area rason nga halos gamay lang nga tawo ang nangin kustomer sa mga kiosko.
Ginpili nila nga magpadulong sa Diversion Road bangud sa bag-o nga lalantawon kag bangod kapoy na sa pagbalik pa sa syudad, didto na lang sila nagpabilin sa Iloilo Business Park.
May yara man sang mga pagkaon bangod may naplastar man nga mga lamesa kag lakip man ang mga ilimnon.
Kon magadayon ang ini nga sitwasyon sa tagsa ka pagsaulog sang Dinagyang, ang mga kiosko sa city proper ang maapektohan. Dapat nga magpangita sila sang inobasyon kag bag-o nga mga ideya kon paano mapabilin nga buhi ang kasadya sa mga dalanon sang Delgado kag Valeria kag sa palibot sini nga mga dalan.
Tion na nga magpaminsar sang bag-o nga ideya agud indi mangin murto ang negosyo./PB
[/av_textblock]
[/av_one_full]
