[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Consignee sang P6.4-B shabu nagsungka sa Janiuay’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 7, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Ginkumpirmar sang Janiuay Municipal Police Station nga nakuha sang mga katapo sang National Bureau of Investigation (NBI)-Manila ang consignee sang ginpalusot halin sa China nga P6.4 bilyon nga shabu sa Janiuay, Iloilo.
Si Eirene Mae Agustino Tatad, 31, tumandok sang Villa Corazon, Syudad sang Antipolo, nagsungka sa NBI sa balay sang iya tiya sa Barangay Madong, Janiuay, Iloilo sadtong Pebrero 2.
Base sa interbyu sang mga katapo sang media kay Senior Inspector John Paul Guay, hepe sang Janiuay MPS, nag-abot sa Iloilo si Tatad sadtong Enero 27 sakay sa roro vessel para maglagaw sa balay sang iya mga himata kag magtan-aw sang Dinagyang Festival.
Pero mga alas-otso sa aga sang Pebrero 2, nag-abot ang utod ni Tatad nga si Jun upod ang duha ka NBI agents nga amo ang nagserbe diri sang warrant of arrest pero matawhay man nga nagsungka ang subject. Nagdiretso sila dayon sa Iloilo Airport para makabalik sa Manila.
Nahibaluan naman nga daku nga palamangkutanon ang nasambit nga operasyon sang NBI bangod nga wala gid makahibalo ang Iloilo Police Provincial Office ukon bisan ang Janiuay PNP.
Pahayag pa ni Guay nga sadtong Lunes lang nagkadto sa ila istasyon ang tiya ni Tatad para magpanugid sang natabu matapos nga nagapati ini nga maayo man ang pag-upod sang iya hinablos sa NBI./PB
[/av_textblock]
[/av_one_full]