[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’288 ka mga pasahero stranded sa Iloilo ports’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 14, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Kabug-osan nga 288 ka mga pasahero ang nagapabilin nga stranded sa nagkalain-lain nga mga puerto sa Iloilo bangod sang pagpa-idalom sa tropical cyclone warning signal number 1 sa mga probinsya sang Negros Occidental, Guimaras, Iloilo, Capiz, Aklan, kag Antique umpisa sang Lunes sang gab-i.
Takna alas-dos sang hapon naman kahapon, ginhambal ni Lt. Rodolfo Dela Peña, commander sang Philippine Coast Guard Iloilo (PCG-Iloilo), nga padayun nga kanselado ang biyahe sang mga sakayan sa Iloilo padulong sa mga lugar nga ginpa-idalom man sa storm signal.
Ini ang rason kon ngaa 211 ka mga pasahero ang stranded sa Dumangas port, 59 sa Milagrosa Shipping Terminal sa Lapuz kag 18 ka mga pasahero ang stranded sa Iloilo Ferry Terminal sa Lapuz.
Nakig-angut naman ang PCG-Iloilo sa tagdumalahan sang mga terminal sa Iloilo para mahatagan sang bulig ilabi na sang pagkaon ang na-stranded nga mga pasahero.
Pero gin-athag ni Dela Peña nga padayun naman ang biyahe sang mga sakayan halin sa Syudad sang Iloilo padulong sa probinsya sang Guimaras bangod nga makanay man ang sitwasyon sang dagat bisan nga ginpa-idalom sa storm signal no. 1 ang Iloilo kag Guimaras.
Ginpasalig man sini nga padayun sila nga mabantay sa pinaka-ulihi nga weather bulletin gikan sa Philippine Atmospheric Geophysical and Astronomical Services Administration para ingkaso nga mabatak na ang storm signal sa mga probinsya sa rehiyon 6, gilayon man nila nga ibalik ang biyahe sang mga sakayan./PB
[/av_textblock]
[/av_one_full]