[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 ka minor nga nag-walk in sa motel, gin-reject’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Joel Franco
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 15, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Gin-reject ang duha ka minor nga babaye kag lalaki nga maisog nga naglakat-lakat lang pasulod sa isa ka resort sa Villa, Arevalo nga kilala nga ginakadtoan sang mga gusto sang hingalit nga kalipay.
Sunu kay Jorge Duron, executive director sang Task Force on Moral and Values Formation, ginpunggan sang mga gwardya ang duha ka minor nga makasulod sa resort.
Sa kabilugan naman, may walo ka taxi, apat ka private car, duha ka motorsiklo, kag duha ka walk-in nga gin-reject sang mga motels/lodging houses kag resorts sa syudad, sandig sa data nga natipon tubtob alas-2:30 sang hapon kahapon.
“Ginabuksan sang mga gwardya ang salakyan kag nagatulok lang ang aton mga operatives. Kon minor gani, gina-reject nila,” pahayag ni Duron.
Kon basehan naman ang trend, nagalaum si Duron nga manubo ang ila marekord nga mga minor nga nagasulod sa mga motels/lodging houses kag resorts. Ina bangod nga sang nagligad nga tuig may masobra sa 70 ka mga minor nga na-reject kon ipaanggid subong nga ara lamang sa 16.
“Pasalamat kita sa hugot nga kampanya sa bulig sang media. Ang media gid kay pirme nila gina-news ang aton operations kag mga ginadumili sang laye,” siling pa ni Duron.
Nagalaum man sia nga indi na madugangan ang ila data tubtob sa pagtakop sang ila monitoring asta alas-cinco sa hapon kahapon.
Nahibaluan nga sa idalom sang Regulation Ordinance 2015-447, ginadumilian ang mga naga-edad sang manubo sa 18 anyos nga magsulod sa lodges, motels, pension houses, inns, hotels, apartelles, kag iban pa nga kaangay nga establisimiento. Ang mapamatud-an nga nagalapas may nagakaigu nga penalidad./PB
[/av_textblock]
[/av_one_full]