[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Mabudlay gid bala ang Annulment?’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
NI WENCESLAO “MATT” E. MATEO JR.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Friday, March 2, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
MADUGAY na nga tinuig ang hingyo sa Kongreso nga himuan sing kasuguan ang Absolute Divorce sa Pilipinas.
Apang matuhaw ini kag maaluminaw kag liwat nagtuhaw sang sini lang bisan pa gin-relax na ang Annulment.
Ngaa bala masupog gid ang minoriya sa pagtulod sang Absolute Divorce sa mayoriya nga mga 80 ka porsyento sang aton populasyon, nga ginapangunahan sang Simbahan Catolica sa luyag sini nga itugot ang pagbulagay sang mag-asawa paagi lang sa Annulment kag indi sa Absolute Divorce?
Ina tungod mahapos lang kuno ang pagbulagay sang wala na lubos naga-intiendihanay nga mag-asawa.
Ang Absolute Divorce, sa nahibal-an ta na, gina-praktis ini sa Estados Unidos kags ang iban pa nga pungsod, nga sa subong wala naton ginakilala sa Pilipinas tungod man sang iban naton nga kultura nga l yag naman gub-on sang sining mga naga-proponer nga ini.
Ang Absolute Divorce kag Annulment liwan man ini sa Legal Separation, sa diin ang mag-asawa nga nagaproblema sa ila pag-upod nagahisugot nga indi mag-upod sa isa ka bubong, apang sa gihapon gapabilin nga kasado legal. Sa ina nga kahimtangan, puede ini sila mag-upod liwat kon luyag nila kon nahusayan na ang ila gumuntang nga mag-asawa. Kon indi gid man, puede man nila mamedyosan sa ulihi nga bugrason ang ila pag-asawahay paagi na sa Annulment sa nagakaigu nga rason.
Ngaa man mahapos kuno ang pagbulagay sang mag-asawa paagi sa Absolute Divorce?
Ina tungod ang mag-asawa puede magbulagay sa ila lang kasugtanan nga duha nga wala sing may ginabasol (no-fault divorce). Kon may rason man (fault divorce), nga dapat aprubahan sang nagareklamo, indi kasubong kabug-at sang sa gina-requirer kuno sang Annulment.
Ang daku gid nga reklamo sa Annulment amo nga ang pagbulagay sang mag-asawa puede lang kon mapamatud-an nga ang problema matudlo sa pagsugod mismo sang kasal.
In other words, ang Annulment puede magpawala sang pag-asawahay tungod kay ang ina nga kasal may depekto legal na nga daan (void ab initio) gani pareho lang nga wala ini naga-existir – katulad sang pagpakasal sang mga menor de edad (underage), pagpakasal liwat samtang may napakaslan nga una (bigamy), ukon may paglimbong ang pagpakasal (fraud).
Apang, kon subong man sina ang medyo pagka-istrikto sang Annulment, ina tungod man sang panindugan sang aton Konstitusyon kag mga kasuguan, kag sang aton nadak-an nga kultura Kristiyano, particular sa pagtudlo sang Simbahan Catolica.
Nasandig man ining Anullment sa pagpati sang kadam-an sa pagka-sagrado sang kasal kag sang kaayuhan nga madulot sang mabakud nga pamilya i-kumparar sa Absolute Divorce nga ang pagkawasak sang panimalay ginatunaan sang mas madamo nga problema, nga saksi pa ang mga pungsod sa diin may Absolute Divorce.
Ginapabakud ining pagka-sagrado sang kasal sa aton karon kasuguan paagi sa sinumpaan sang mga manugpakasal: “…Ang mag-upod sa maayo man nga kahimtangan ukon indi, sa mayo nga pangabuhi ukon kapigaduhon, sa mayo nga panglawason ukon indi, kag ang paghatag sang gugma kag dalayon nga pagpalangga nga wala sing pagluib tubtub sa aton kamatayon.”
Bangod sini nga sinumpaan, puede lang sila bulagon tungod sa depekto legal nga matudlo sa pagsugod mismo sang ila kasal, kag indi sang pagkatapos na sang kasal nga puede gamiton sa Absolute Divorce.
***
Pero, mabudlay gid bala ang pagbulagay sang mag-asawa paagi sa Annulment kon basehan ta ang kaayuhan sini sa pag-asawahay, sa mga kabataan, sa pamilya, kag sa sosyedad sa kabug-usan?
Daw indi man. Sai sa ka pagpamatbat sang Korte Suprema sang sini lang, gintugutan sini ang pagpakigbulag sang bana sa iya asawa nga modelo tungod sa pagpatumbaya sa iya obligasyon sa mga kabataan kag ila panimalay nga katulad sang isa ka langka-langka nga manok.
Sa ini nga kaso, ang Korte Suprema nag-aprubar sang petisyon sang bana nga bulagan ang modelo nga asawa tungod sa “psychological incapacity.”
Ining asawa nga modelo nahuyog sa mah-jong, masami pagpatahum sa beauty parlor kag wala kaayawan sang pagdayaw sang iya kaugalingon (narcissistic behavior).
Malawak nga rason ining “psychological incapacity” nga puede gamiton sang mag-asawa sa lain-lain nga sitwasyon sa ila plano sa pagbulagay.
Sa isa man ka kaso, nga nahibal-an ta personal, ang isa ka asawa ginpasugtan sang Korte Suprema nga i-anular ang iya kasal sa bana nga “mama’s boy” nga sunod-sunuran lang sa iya iloy kag wala nagahatag importansya sa desisyon nila nga mag-asawa kundi sa iya lang iloy. (w_mateojr@yahoo.com/PN)
[/av_textblock]
[/av_one_full]
