[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Nagakapilas ang magbilas’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY ROBERTO ‘BERT’ LADERA
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Thursday, March 15, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
KAANGAY sa mga hangaway nga nagahanas, indi malikawan nga sila ang mapilas. Makaagom gid sila sang lagub, makaagom sang bakiras bisan pa nga nakakuob.
Madamo na sang hitabu kita nga nabatian kag nasaksihan sa tunga sang duha ka magbilas sa nakalipas nga pila ka adlaw matapos nga nag-anunsyo si Cong. Jerry Treñas nga siya ang ginatib-ong sang mga punong barangay sa syudad nga liwat nga magpadalagan bilang alkalde.
Naglanog ang balita, nakalab-ot sa ugsaran sang oposisyon kag nagtuga sang interes nga istoryahan sa mga kapehan. Apang, si Mayor Jose Espinosa III ang wala na nakibot, suno sa iya, bangud sa kadugay na niya sa pulitika iya na nahibaluan nga ang pulitika puno sang sorpresa.
Bisan pa sa ini nga pahayag, mabatian sa gihapon ang katingala ni Mayor Espinosa bangud nga wala siya nahambalan angot sa nangin pahayag sang iya bilas. Nagbungat siya nga masobra pa lang sa lima ka bulan ang iya nga pagpungko sa pwesto kag wala pa nag-init ang iya buli sa pagpangalagad.
Liwat nga natublag ang city hall sang ginpatawag ang pulo ka mga salaligan ni Treñas kag ginhambalan nga ‘you cannot serve two masters at the same time’ nga nagtulod sa pila sa ila sa pagsumiter sang ila resignation letter.
Para sa nagalantaw, nagadalom ang away sang magbilas bangud sa interes nga magapungko bilang alkalde.
May nagasiling nga daw kaangay ini sang sumpunganay sang grupo ni Sen. Cynthia Villar sang partido Nacionalista kon sa diin katapo si Espinosa kag ni Sen. Franklin Drilon sang partido Liberal kon sa diin una nga nangin katapo si Treñas antes nagsumpa sa PDP-Laban.
Ginalantaw sang iban nga ang away kaangay lang sang pag-ayag sa ayagan agud nga maseparar ang bato sa balas. Agud nga mahibaluan ni Treñas ang kadamuon sang iya mga tawo kag mga nagasuporta sa iya kag subong man kay Espinosa. Katuyuan mans ini nga agud magtuhaw na ang mga posible nila nga mangin kasumpong sa pulitika kag makita kon sa diin magalinya ang mga botante, ang mga negosyante kag ang mga empleyado sang city hall.
Nahibaluan nga una na nga gintib-ong sadto ni Treñas si Espinosa agud nga magpadalagan bilang alkalde kag magabulos kag anay Mayor Jed Patrick Mabilog nga nagatuyo man nga magpadalagan sadto sa pagka-kongresman kag siya, si Congressman Treñas, ang nagsiling nga nagapahuway na siya sa pulitika.
Ang pagtib-ong sadto ni Treñas kay Espinosa nagtuyo lamang nga hibaluon ang pulso sang pumuluyo kon ila mabaton nga mangin alkalde sang syudad si Espinosa, kon pasado sa ila panabor kag kon angay sa ila paglantaw.
Bangud sa kon anuman nga sirkumstansya, nakapungko si Espinosa bilang alkalde kag nagpakita sang iya tuhay nga liderato kag pagdumala.
Kaangay sang isa ka taktika sa inaway sadtong una nga panahon, wala sila nagadirekta sa pagsumalang sa ila kasumpong, ila ini nga ginabikaan, ginalibutan kag ginapanglupig sa tion sang ila engkwentro apang sa paglampas sa kurit sang kontra, sila ang nagatingob, nagatipon didto sa punta.
Ginasiling man nga ang baganihan nga nagakapilasan, mas pa gid nga nagasupog, ini ayhan ang rason kon ngaa nagakapilas ang magbilas? (bertladera_rmn@yahoo.com/PN)
[/av_textblock]
[/av_one_full]
