MAGANSAL ang tagsa ka pagbutlak sang adlaw. Nagalanog sa kahanginan ang ginahimo nga pagpanghawan. Masaku ang pagpaninlo agud nga indi maripahan sang kasuguan.
Pila na ka barangay sa syudad sang Iloilo ang napadulungan sang hubon nga ginhatagan sang katungdanan nga magpanghawan sa mga dalan. Ila ginpangkakas ang mga sablag kag istruktura nga nagabalabag. Sa tagsa ka adlaw makita ang larawan kon paano sila nagahulag kag kon paano napatuman ang mandu ni Presidente Rodrigo Duterte.
May mga pagtuon sa Metro Manila nga ang kahul-anan nga natuga sang kagutok sang trapiko naglab-ot sa P3.5 billion kada adlaw.
Kon may kahul-anan sa daku nga syudad, mahimo man nga may kahul-anan sa iban pa gid nga syudad kag sa halos tanan nga local government unit. Wala pa man matun-an sa iban nga lugar kon pila ang halit sa ekonomiya apang ginasigahum base sa sini nga pagtuon nga may kahul-anan nga natuga sa tagsa ka mga syudad kag banwa.
Matuod nga nagahulag na ang city government, nagsugod na sila, kag naghatag sang isa ka semana nga plaso sa iban pa nga boluntaryo nga magpanghawan sa ila ugsaran, sa ila dalan, kag mag-amat-amat sa pagkakas sa mga nagasaklam sa alagyan.
Agud nga mas mahangpan sang tanan ang kaundan sa nangin pahayag sang Presidente, aton ini nga ibalhag liwat:
“One ese – one estimate pegs economic losses at P3.5 billion a day due to traffic congestion in Metro Manila. So meantime, I reiterate my directive, my request, my pleadings to the MMDA and all concerned local officials in Metro Manila, and all other cities, to undertake immediate action to ensure the speedy and smooth flow of vehicular traffic. Reclaim all public roads that are being used for private ends. Marami diyan. [applause]
And again, I asked Secretary Año to see to it that this is enforced. If there is a mayor or a governor, or kung ano kang – sino kang demonyo ka, i-suspend mo Sir Año. Give him time and if he cannot – if he is not up to it, then pagpahingain mo na lang. Suspend mo na. Wala talagang – wala tayong magawa.
They just keep on pleasing their own constituents just because they are constituents – a leader. Ganun kayo eh. The only way to do it… Anyway, me, I have no problem. Me, I am an inutil official. Me, I cannot run anymore. Me, after six years I might lose my head. Wala na ako. I… No more challenges in politics. No more mountains to climb. I will just do my duty. ”
Mas gintalupangod sang pangulo ang dalan nga ginaagyan sang mga salakyan, indi lamang dalan sa mga barangay kundi dalan mismo nga adla-adlaw nga ginalabayan sang mga tawo.
Hulaton naton ang paglipas sang isa ka semana nga plaso kag obserbahan naton kon bala may kaisog ang city government sa pagsaway sa mga negosyante nga naga-okupar sa dalan, ginahimo nga pribado nga parkingan ang pampubliko nga dalan.
Lantawon naton kon may “political will’ ang administrasyon ni Mayor Jerry Treñas sa pagsumpong sa mga negosyante kag mga manggaranon nga kabahin sa mga nagtib-ong sa iya kandidatura kag kadalag-an sa eleksyon. (bertladera@gmail.com/PN)
