Ni Cyrus M. Garde
Syudad sang BACOLOD – Patay ang 40-anyos nga lalaki makaligad nga nadalasa sang delivery van nga nagakarga sang utanon sa highway sang Purok Ajinomoto, Brgy. Taloc, Syudad sang Bago, Negros Occidental, Biyernes sang gab-i.
Ang biktima nga si Norberto Solomon Domingo, pumoluyo sang Brgy. Sum-ag sini nga syudad, ang ginlawag nga patay sang kaagahon na sang Sabado.
Sunu sa report sang kapulisan, nagamaneho sang iya motorsiklo si Domingo pakadto sa Syudad sang Bago kag nag-overtake sa isa ka salakyan sang magbunggo sa delivery van.
Sunu naman sa drayber sang delivery van nga si Armando Carreon Dabor, 39 anyos sang Syudad sang Canlaon, Negros Oriental, nakibot sia sang mag-gwa si Domingo sa iya dalan.
Sunu sa iya nga alang-alang naman sia maglikaw kay kon iya himuon, matumba sia sa madalom nga kalog.
Gindugang sini nga nagahingagaw sia sa BREDCO agud i-deliver ang mga utan sa Syudad sang Iloilo./H
