[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ricky Salcedo, pa-imbestigaran sang IPPO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginmandoan sang Iloilo Police Provincial Office (IPPO) ang Ajuy kag Sara Municipal Police Stations (MPS) nga imbestigaran si anay PO2 Ricky Salcedo III nga ginpahalin sa serbisyo bangod sang iya paminatasan.
Sa interbyu sang HUBLAS kay Chief Insp. Aaron Palomo, tagpamaba sang IPPO, ginmando na ni Senior Supt. Roderick Augustus Alba ang maid-id nga imbestigasyon angut sa ginadalahigan nga kontrobesiya ni Salcedo nga bata ni Mayor Ermelita Salcedo sang Sara, Iloilo.
“Maga-conduct sila sang thorough investigation regarding sa sining action sa ginhimu ni former PNP member naton nga si Ricky Salcedo. So, naga-conduct sang thorough investigation,” hambal ni Palomo.
Luwas sa imbestigasyon sang kapulisan, nakig-angut naman karon ang operations sang IPPO sa Firearms, Explosives, Security Agency Group Services (FESAGS) para hibaluon kon may malaba nga armas si Salcedo nga lisensyado.
“Aside dira, ang aton operations diri sa IPPO naga-coordinate sila sa FESAGS kag nag-request para sa firearms records ni Ricky Salcedo kon may ara sia bala sang license sa mahaba nga pusil or any kind of firearms to show nga may ara sia sang lisensyado nga pusil,” dugang ni Palomo.
Ipatawag man sang Ajuy kag Sara MPS si PO1 John Niel Oroquio sang Capiz Public Safety Company para magsumiter sang sworn statement para makapasaka sang kaso nga grave threat kontra kay Salcedo.
Nahibaluan nga gin-akusaran ni PO1 Oroquio si Salcedo nga nagpahog sa iya sa puerto sang Barangay Culasi, Ajuy sang Martes.
Sa alegasyon ni Oroquio, tuman ka akig si Salcedo sang nag-gabot sang iya pusil kadungan sang pagpamangkot sa iya kon ngaa ginatuparan niya ang nobya sini.
Bangod sining hitabo, nagreklamo sa Ajuy MPS si Oroquio.
Gintuad naman ni Chief Insp. Charlie Sustento, hepe sang Ajuy MPS, nga si Salcedo yara sa puerto sang Culasi para sugaton ang iya nobya pero nasiplatan sini ang nobya nga nagatindog sa tupad ni Oroquio.
Samtang nagapanaog nasa barko, aksidente nga natandog ni Oroquio ang nobya ni Salcedo rason sang pagka-irita sang anay pulis, dugang pa ni Sustento.
Samtang ginasulat ini nga balita, wala pa sang ginbuy-an nga pahayag ang kampo ni Salcedo kon bala ano gid ang matuod nga natabo./H
[/av_textblock]
[/av_one_full]
