[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Ilegal nga groga na gid lang?
SUGOD sa kampanya tubtob sa inaugural speech tubtob sa mga speaking engagements, lakip na sa foreign trips, wala sang iban nga ginabungat si President Rodrigo Roa Duterte (PRRD) kundi ang malala nga ilegal nga droga sa pungsod santo sa iya ihibalo.
Sa tanan niya nga mga pagpamulong-pulong, ilegal nga droga lang ang iya topiko. Bisan ang iya ikaduha nga lista sang mga narco-personalities, ginlawag niya sa haya sang isa ka napatay nga katapo sang military sa anti-illegal drug operation.
Nahangpan naton nga mas malala sang sa aton nahibaluan ang sitwasyon sang ilegal nga droga sa pungsod. Bangud kay PRRD, nakita naton kun daw ano ka sangkad ang populasyon sang Pilipinas nga ara sa ilegal nga droga bilang pushers, users kag protectors.
Ang mga pushers kag users mahapos lagson apang ang mga protektor medyo mabudlay bangud ini pwede mapolitika, ilabi na kun kontra partido ang isa ka tawo.
Tanan kita luyag sang sosyodad nga hilway sa krimen. Ang mga malala nga krimen ginatudlo nga may kahilabtanan sa ilegal nga droga. Ini man ang nakita naton nga kabangdanan kun nga-a amo na lamang sini ka hugot ang kampanya sang PRRD administration sa ilegal nga droga. Pero halos indi na naton mabati-an kun ano ang iya mga polisa kag programa sa iban nga alatubangon sang pungsod.
Wala pa ako sang nabati-an nga maathag nga programa sa ekonomiya, trabaho, agrikultura, industriya kag edukasyon. Ang tanan nga ginapatuman sa sini nga mga aspeto, iya pa sang Aquino administration. Wala pa sang iya kaugalingon nga programa nga makita nga iya sang karon nga administrasyon.
Kun may ara man, blangko kita nga mga Filipino bangud ang aton President nawili sa iya away sa ilegal nga droga kag paminghal kay US President Barack Obama kag United Nations Secretary General Ban Ki Moon kay ginapahilabtan kuno ang iya kampanya kontra ilegal nga droga sa paghatag sang pagtamod sa kaso sang mga ginasiling extrajudicial killings sa pungsod.
Halin sang alkalde pa si PRRD sa Davao, nakita na naton ang iya hugot nga kampanya sa kriminalidad. Nag-init ang isyu sang Davao Death Squad (DDS) bangud sang iya kampany batok sa kriminalidad, labi na sa ilegal nga droga.
Ang pamangkot: Ang Davao gamay lang nga bahin sang Pilipinas; natinluan bala niya ini sang lubos sang ilegal nga droga kag mga krimen?
Wala, indi bala?
Bisan asta subong may mga nagakadakpan pa nga pushers sa syudad. Buot silingon, bisan ano mo ka silhig, may mabilin gid nga higko sa duta. Wala sang perpekto nga sosyudad.
Subong nga presidente na sang Pilipinas si PRRD, droga kag kriminalidad man sa gihapon ang sentro sang iya administrasyon. Ang iya plataporma nabalay sa pondasyon sang away sa ilegal nga droga. Kag samtang ara sya sa kainitan sang away kontra ilegal nga droga, nagakaguba naman ang diplomatic relations sang Pilipinas. Indi man ini mag-ako ang US nga may bagina na ang relasyon sang US sa Pilipinas kag kasubong man ang UN kag Pilipinas.
Nga-a droga na gid lang ang ginamitlang ni PRRD sa iya mga speaking engagements? Sa iya mga pagpulong-pulong, daw makasiling ang iban nga ang Pilipinas kaangay na sang Colombia kun ang kalalaon sang ilegal nga droga ang hambalan.
Nga-a droga na gidlang? Gusto man naton mabati-an ang mga good news para sa kadam-an sang mga Filipino. Indi lang mga soldado kag pulis ang kinahanglan nga pahalipayon ni PRRD sa mataas nga sweldo. Paano naman ang iban nga sector sang sosyodad? Paano naman kami nga ordinaryo nga Filipino? Ano naman ang maayo nga balita sa amon?
Teh, kun matuod ang plano nga mangin alalangay na ang sweldo sa bug-os nga pungsod sa pribado nga sector, good news ina para sa mga taga-probinsya. Ang pamangkot, doable bala ini kaangay sang 3-6 ka bulan nga pagpaninlo sa ilegal nga droga sa pungsod?
Lapit na man lang ang Disyembre…hulaton naton!/PN
[/av_textblock]
[/av_one_full]
