[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’4 ka mga babae gin-aresto’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Indi na puro mga lalaki subong ang ginadakop sang mga otoridad bangod sa paglubag sang kasugoan, kundi pati na mga babae. Sini lang nga Septyimbre, apat tanan ang nagkaladakpan nga mga babae sa lain-lain nga mga akusasyon.
Ang pinaka-ulihi diri amo si Ma. Gloria Gacho alyas Ana Gacho, 50, kag naga-istar sa Villa Angela sa Barangay Vista Alegre, Syudad sang Bacolod.
Gindakop sia sa kaso nga “bigamy” sang Lunes sa iya puloy-an paagi sa warrant of arrest nga ginpapanaog ni Judge Dloria Madero sang Regional Trial Court, Branch 29 sa Syudad sang Bacolod. Gin-rekomendar sang korte ang piyansa nga P24,000 para temporaryo sia nga makagwa gikan sa karsel sang Police Station 1.
Sadtong Sept. 13 naman, mga alas-9:15 sang aga, gindakop si Evangelyn Baylosis Batis alyas Lanie, 34, sang Sitio Togas sa Brgy. Camindangan, Syudad sang Sipalay.
Nadakpan sia sa sulod sang merkado sang mga katapo sang Sipalay City PNP bangod sa kaso nga paglubag sang Article 33 sang Revised Penal Code of the Philippines sa kaso nga adultery.
Ang korte nagmando sa iya nga magbayad sang piyansa nga P12,000.
Samtang isa ka ginang naman nga nagatambong sa iya bista sa Hall of Justice sa Syudad sang Himamaylan ang natiklo sang Himamaylan City PNP alas-11 sa aga sang Sept. 13.
Ini sia ginkilala kay Ailyn Delmo Singquiawon, 35, kag taga-Purok 6, Brgy. Aguisan sa amo man nga syudad.
May kaso sia nga paglubag sang RA 9165 ukon Comprehensive Dangerous Drugs Act of 2002 kag wala sang piyansa nga gin-rekomendar ang korte sa iya temporaryo nga kahilwayan.
Samtang sadtong Sept. 12, alas-11:30 sang aga, gin-aresto na una sang San Carlos City PNP si Liezel De Cafe Calvario, 32, may bana kag naga-istar sa St. Vincent Subdivision, Brgy. 1, Syudad sang San Carlos.
Nadakpan sia paagi sa gahum sang arrest warrant nga ginpapanaog ni Judge Amy Avellano sang Regional Trial Court, Branch 58 sa Syudad sang San Carlos nga napetsahan Agusto 17, 2016 sa kaso nga paglapas sang Section 10, Article 6 in relation to Section 3, paragraph B (2) sang RA 7610. Dapat sia nga mag-piyansa sang P80,000 para sa iya temporaryo nga kahilwayan./H
[/av_textblock]
[/av_one_full]
