[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’5 ka tinawo sang LTO gin-relieve’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Dugang nga lima ka mga tinawo sang Land Transportation Office (LTO) 6 ang gin-relieve bangod sang ginapasuni pag-gamit sang ballpen nga may erasable ink kon mag-isyu sang temporary operators permit (TOP) sa madakpan nga nagalapas sa layi sa trapiko.
Gin-kumpirmar ni Atty. Gaudioso Geduspan II, legal counsel sang LTO-6, sa isa ka istasyon sang radyo nga ang pag-relieve sa lima ka mga tinawo sang LTO kabahin sang cleansing operation matapos nga gin-reklamo sang mga motorista ang ila nga obra.
Ang apat naman sa lima ang mga job hires nga halin sa Dumarao road weighing samtang ang isa naman halin sa Syudad sang San Carlos, Negros Occidental.
Una na nga gin-relieve ang 19 ka mga empleyado sang LTO-6 matapos nga nadiskubrehan nga naga-gamit sang may erasable ink nga ballpen kon mag-isyu sang TOP.
Sa 19, anum lang diri ang organic personnel samtang ang nabilin lunsay mga job orders.
Ginkakas sila sa ila mga assignments kag ginhatagan sang bag-o nga obra sa regional office para indi ma-impluwensyahan ang ginhimu nga imbestigasyon sa ila nga natapos naman sang Domingo.
Angut sini, mahimu nga mag-pangatubang sang kaso ng administratibo kag kriminal ang mga tinawo sang Law Enforcement Division sang LTO-6 nga mapamatud-an nga kabahin sang mga fixers ukon pasaway nga mga tinawo.
Pero gin-athag ni Geduspan nga ang LTO central office gid lamang ang maka-rekomendar kon sin-o sa 19 ang pasakaan sang kaso./H
[/av_textblock]
[/av_one_full]
