[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Taga-Iloilo nasapwan patay sa Syudad sang Victorias ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Mayami nga bangkay na sang nasapwan sang iya mga upod ang lalaki nga taga-Syudad sang Iloilo sa barracks sang ila gina-obra nga mall sa Syudad sang Victorias, Negros Occidental mga alas-9:49 ang takna sang Domingo sang aga.
Ginkilala ni Supt. Herman Garbosa, hepe sang Victorias City PNP, ang biktima nga si Ajaveb Sabron, 31, soltero kag residente sang Don Esteban Village, Lapuz, Syudad sang Iloilo.
Antes nasapwan ang bangkay ni Sabron, gin-sweldohan sila sang ila foreman upod ang iya duha ka abyan nga sanday Joshua Pilante, 24, soltero sang Canetown Subd., Brgy. 19-A, Syudad sang Victorias, kag Jeanry Panaligan, 25, sang Lapuz, Syudad sang Iloilo mga alas-cinco sang Sabado sang hapon.
Mga alas-nueve sang Sabado sang gab-i, nagbalhin ang tatlo ka mag-abyan sang ilimnan sa atubang sang Lopue’s Department Store nga malapit man gihapon sa ila gina-obrahan.
Apang sang ulihi naglisensya ang biktima nga mauna sia pauli sa barracks kay mapahuway na sia. Nagsunod man dayon puli sanday Panaligan kag Pilante matapos sila nagbakal sang noodles nga ila man ginka-on sa ila barracks.
Matapos yadto, nagtulog man sila sa tupad sang biktima. Apang pagka-aga, nakibot na lang si Panaligan nga wala na nagahulag si Sabron sang ginpukaw niya.
Gilayon nila ini nga gindala sa Ikaayong Lawas Foundation Hospital sa amo nga syudad apang wala gid matabangan.
Padayun pa ang imbestigasyon diri sang Victorias City PNP./H
[/av_textblock]
[/av_one_full]
