[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Mga kapitan, pulis sa syudad nag-pirma MOA’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nagpasakop ang halos tanan nga mga barangay kapitan sa sining syudad sa pagpirma sang Memorandum of Agreement (MOA) upod ang simbahan sa distrito sang Molo kahapon sang aga.
Angut ini sa kampanya kontra sa ilegal nga droga nga inisyatibo sang Iloilo City Police Office sa pagpamuno ni Senior Supt. Remus Canieso para mapukaw ang mga kapitan nga suportahan gid sang todo ang kampanya.
Lakip sa mga kapitan nga nagtambong amo sanday Noel “Nene” Odicta sang Brgy. Tanza Esperanza, City Proper; Remia Gregori sang Brgy. Bakhaw, Mandurriao; Keith “Dabing” Espinosa sang Brgy. Monica, City Proper; kag Jing Villanueva sang Brgy. Boulevard, Molo. Samtang nagpadala lamang sang tiglawas si kapitan Noemi Hablo sang Brgy. Desamparados, Jaro.
Ang nahinambitan nga mga barangay amo naman sadto ang gintumod sang Philippine Drug Enforcement Agency 6 sa pagpamuno sadto anay ni regional director Paul Ledesma nga apektado sang ilegal nga droga.
Angut sini, nagpasalig ang mga kapitan nga magakooperar sila sa kampanya sang kapulisan sa ilegal nga droga.
Kaangay sang ICPO, luyag man sang mga kapitan nga malimpyohan ang ila mga barangay sa presensya sang ilegal nga droga./H
[/av_textblock]
[/av_one_full]
