[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Bata nalumos sa Syudad sang Cadiz’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Wala na sang kabuhi sang nasapwan ang anum ka tuig nga bata nga lalaki nga nalumos sa dagat sa Sitio Canipaan, Barangay Banquerohan, Syudad sang Cadiz, Negros Occidental mga alas-nueve sang aga kahapon.
Ginkilala ni Supt. Edel Jose Manzano, hepe sang Cadiz City PNP, ang biktima nga si John Jacob De La Cruz, taga-Brgy. Banquerohan sa nasambit nga syudad.
Nasapwan ang biktima sa idalom sang dagat makaligad ang kapin isa ka oras nga pagpangita sa iya sang nagresponder nga mga tawo. Dali-dali pa sia nga gindala sa Cadiz City Emergency Clinic apang ginlawag dead-on-arrival.
Sunu sa pahayag sang pulis, ang biktima may upod nga duha pa ka mga bata sang nagpaligo sila sa dagat.
Siling naman sang duha ka bata, hinali lang nadula si De La Cruz kag gilayon sila nagtakas kag nagpahibalo sa mga tawo sa higad-baybay sang natabo.
Sunu pa sa pahayag nga ang biktima kag ang duha ka upod sini wala nag-eskwela kag nagpaligo sa dagat nga wala mahibaluan sang ila mgaginikanan kag maestra.
Sandig naman sa rekord sang pulis, ika-walo na ini nga biktima sang pagkalumos sini nga bulan sang Septyimbre sa probinsya./H
[/av_textblock]
[/av_one_full]
