[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Shootout sa Murcia: 2 patay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay ang duha ka sibilyan samtang pilason naman ang pulis nga katapo sang Special Weapons and Tactics (SWAT) team sang Negros Occidental Police Public Safety Battalion sa tinirohay sa plantasyon sang kalamunding sa Hacienda Jesusa 1, Brgy. Alegria, Murcia, Negros Occidental mga alas-cinco sang aga kahapon.
Ang mga napatay ginkilala kanday Angelic Tayos, 21, tumandok sang Sibugay, Zamboanga Del Norte kag Toto Belegorio sang banwa sang Don Salvador Benedicto. Naka-angkon sila sang madamo nga igu sang pusil sa lawas kag napatay gilayon.
Pero nakapalagyo naman ang isa nila ka upod nga ginkilala lang kay “Estoy” sang Don Salvador Benedicto.
Samtang ang napilasan naman nga pulis amo si PO1 Roberto John Arzaga nga taga-Syudad sang Bacolod. Bangod sa suksok sini nga bullet proof kon ngaa wala naglapos ang mga bala sang 12-gauge shotgun.
Sunu kay Supt. Frederick Mead, sa kamot ang igu ni Arzaga kag gin-operahan bangod na-dislocate ang iya palad.
Nahibaluan nga ang SWAT upod ang Murcia PNP sa idalom ni Senior Insp. Lawrence Gerard Bathan magaserbe kontani sang search warrant kay Harold Valenciano, tag-iya sang amo nga plantasyon kag tumandok sang Sibugay, Zamboanga Del Norte.
Ang search warrant ginlagdaan ni Judge Raymond Joseph Javier sang Regional Trial Court, Branch 52 sa Syudad sang Bacolod kag gin-isyu bangod sang report nga may madamo sang armas si Valenciano kag ginapa-armasan niya ang iya mga tinawo nga nagabantay sa plantasyon.
Sandig sa reklamo sang mga pumoluyo sa pulis, nagapalupok ang mga bantay kon gab-i nga wala sang nagakaigu nga rason nga nagapakugmat kag nagapahadlok sa mga pumoluyo.
Ginapasuni pa nga sang Miyerkoles sang gab- i, ginsulod nila ang balay ni Dominador De Los Santos sa amo nga barangay kag gintiro ang iya anak nga si Roberto De Los Santos, 18.
Bangod sini nag-apply sang search warrant para sa armas ang mga otoridad.
Sang ginaserbe na sang mga otoridad ang search warrant, ginsugata sila sang linupok kag naigu si Arzaga.
Gilayon nagbalos ang mga ototridad nga nagresulta sa kamatayon sang mga biktima.
Narekober sa balay ni Valenciano ang isa ka Colt .45 nga may serial number 71152 nga may magazine kag bala; isa ka magazine sang kalibre .45; pito ka mga bala sang kalibre .45; isa ka magazine sang M16 rifle; 29 ka mga bala sang M16; holster; anum ka mga bala sang .9mm; homemade shotgun.
Nakuha naman sa payag-payag sa plantasyon ang isa ka .9mm Glock Meadow revolver kag improvised shotgun nga may isa ka magazine. May nakuha man ang mga ototridad nga isa pa ka kalibre .45, improvised 12-gauge shotgun nga may ginbutang pa nga M203 grenade launcher kag anum ka mga bala sang kalibre .22.
Samtang ginasulat ini nga balita, priso na si Valenciano sa Murcia PNP kag gina-usisa pa sang mga pulis kon may ara pa ini kaso sa Zamboanga bangod gin-report ini sia nga may rape case didto./H
[/av_textblock]
[/av_one_full]
