[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Mangin kabahin sang solusyon
SA TAGSA ka magbuhos ang ulan, baha dayun ang syudad sang Iloilo. Ang kadalumon nagadepende sa kabaskugon sang ulan.
Kun indi ako magsala, tunga-tunga sang 2014 sang gin suguran ang pag plano sang comprehensive drainage plan sa syudad sang Iloilo. Base sa pagtuon, indi magnubo sa P1.4 billion ang kinahanglanon nga pondo agud mapatuman ang construction sini sa bug-os nga pungsod. Ini ang ginalauman nga makapahagan-hagan sang pagbaha sang syudad.
Apang samtang ginahulat naton nga mapatuman ini nga mga proyekto, ano bala ang aton ginahimo agud mapahagan-hagan ang pagbaha sa syudad?
Sa masami ginabasol naton ang gobyerno sa problema sang mga pagbaha sa atun lugar. Matuod may mga kakulangan ang gobyerno kun nga-a amo ini ang sitwasyon sang aton palibot sa tagsa ka pag-ulan. Matuod nga mahinay ang pagpatuman sang mga proyekto sang gobyerno. Ini dala sang bureaucratic red tape kag korapsyon nga indi mahimutig.
Sa sini nga sitwasyon, wala na kita sang mahimo kundi magbulig solbar sang problema. Buot silingon dapat mangin kabahin kita sang solusyon kag indi na magdugang sa problema nga gina atubang.
May mga kahigayunan nga ang inlet sang drainage nasaraduhan bangud may daan nga linoleum, bed sheet kag foam nga nagatabun. Mar ara man nga ang tamburong gin supnan sang guba nga telebisyon. Kag kun tan-awon ang aton mga kanal, puno ini sang basura. Ini nga mga sitwasyon nagapakita sang pagka-iresponsable sang tawo. Ginahaboy lang ang basura santo sa ila kahapusan. San-o pa bala kita mangin responsible kag indi na lang magsalig sa gobyerno sang halos tanan nga bagay?
Indi man perpekto ang aton gobyerno. Maathag nga may kakulangan man ang gobyerno ta. Apang ini nga sitwasyon indi dapat mangin kabangdanan nga mangin mapatinumbayaon man kita sa atun katungdanan bilang ordinaryo nga tawo.
Sa malawig nga panahon nangin dependent kita sa gobyerno. Halos tanan nga bagay ginasalig naton sa gobyerno. Masakit man apang ini ang kamatuuran nga indi mag-ako ang kadam-an.
Ang pagbaha sa syudad isa lang sa mga problema sang syudad nga direkta nga naga apekto sa aton pagsinalayo. Pero, napamangkot man naton bala ang aton kaugalingon kun ano ang atun papel nga tungdan? Kabahin kita bala sang solusyon ukon kita mismo ang problema? Kabay nga positibo ang aton sabat diri.
May panawagan man kita sa aton gobyerno. Ilabi na nga magkatuhay ang partido sang local sa national nga pamunuan. Kuntani ang mga naumpisahan na nga proyeko ipadayun man sang karon nga administrasyon. Kabay nga indi mangin matimaluson ang nagapungko sa nasyonal nga pamunuan para sa kaayuhan sang tanan.
Ang comprehensive drainage plan nahuman na. Pondo na lang ang kulang agud ini mapatuman. Kabay nga mapondohan na ini.
Ang slaughterhouse sang syudad gin siling na sang una ni anay Agriculture secretary Proceso Alcala nga may plano na ini para sa 2017 nga budget. Pero nalakip ayhan ini?
Sadtong panahon ni President Benigno Aquino III kapin sa P15 billiones ang pondo nga nagsulod diri sa rehiyon kun sa diin dako nga bahin ang para sa syudad sang Iloilo para lamang sa infrastructure. Sigurado indi ini matabu sa idalum sang Duterte administration bangud may tuhay man ini nga direksyon.
Base sa sini nga sitwasyon, maathag nga ang kauswagan sang pungsod nasandig sa politika nga kaangtanan sang mga lider. Teh, kun kita nga mga ordinaryo nga tawo magpadala man sa politika, mangin kabahin man kita sang problema.
Dapat indi na kita magpabug-at dugang sa aton gobyerno. Mangin solusyon kita kag indi problema./PN
[/av_textblock]
[/av_one_full]
