[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’No. 7 durogista sa Btac. Nuevo dakop ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Dakop ang No. 7 nga durogista sang Barotac Nuevo, Iloilo matapos nga nabaklan sang shabu sa buy-bust operation sa Cartagena, Brgy. Ilaud Poblacion sa amo nga banwa ala-una sang kaagahon kahapon.
Ginkilala ang suspek nga si Nelson Buenavides Jr. y Salazar alyas “Bulldog,” 24, soltero kag residente sang Brgy. Ilaud Poblacion, Barotac Nuevo.
Sa interbyu sang Panay Balita kay Chief Inspector Raymond Celoso, hepe sang Barotac Nuevo Municipal Police Station (MPS), nabaklan sang iya mga tinawo sang isa ka plastic sachet sang ginapatihan shabu ang suspek sa balor nga P500.
Luwas nga nabaklan, nakuhaan man sia sang dugang nga lima ka elongated plastic sachets sang ginapatihan shabu kag cellphone.
Si Buenavides nakasungka na sadto sa Oplan Tokhang.
“Bali ang aton subject, wala pa ini ang Oplan Double Barrel ari na sia sa list naton daan. Actually, wala man kami high-value target, low-value target ni sia, daw street pusher lang bala sia,” eksplikar ni Celoso.
Nadiskubrehan man sang hepe nga wala sang permanente nga obra ang arestado luwas gid lamang sa pagbaligya sang ilegal nga droga.
Kalabanan man sang mga suki sini amo ang mga taga-Poblacion kag kaiping nga kabarangayan.
“Some of his customers mga diri man. Ang iban sa gwa sang banwa nga nagabakal sa iya,” dugang ni Celoso.
Sa karon, si Buenavides nahunong na sa karsel sang Barotac Nuevo MPS kag natalana kasohan sang pagbayolar sang RA 9165 ukon Comprehensive Dangerous Drugs Act of 2002./H
[/av_textblock]
[/av_one_full]
