[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Anay sub-group leader ni Odicta tiklo ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Natiklo ang anay ginapasuni sub-group leader sang Odicta drug group upod ang iya asawa sa ginkasar nga buy-bust operation sa Dalan Governor Norada, Muelle Loney, City Proper alas-10:50 sang aga kahapon.
Ginkilala ang suspetsado nga si Carlo “Jong-jong” Balledos, 46, samtang ang asawa sini amo si Yda, 45, lunsay residente sang Brgy. Veterans Village, City Proper.
Sunu kay assistant director Levi Ortiz sang Philippine Drug Enforcement Agency (PDEA) 6, nadakpan nila ang mag-asawa matapos nga nabaklan si Jong-jong sang isa ka plastic sachet sang ginapatihan shabu.
Nadiskubrehan man sang PDEA-6 nga si Jong-jong anay sub-group leader sang Odicta group pero ginbuslan ini sang nadakpan sadtong 2011 bangod sang pagbayolar sang Sections 5, 6 kag 11 sang RA 9165 ukon Comprehensive Dangerous Drugs Act of 2002.
“When he was arrested int 2011 ng PDEA-6 operatives, nag-lie low siya kaya napalitan siya ng ibang sub-group leaders,” hambal ni Ortiz.
Pero sang 2015, naka-piyansa si Jong-jong samtang nagapadayun ang hearing sang iya kaso kag nagbalik naman sa pagbaligya sang ilegal nga droga.
Ginkumpirmar man sini nga anay miembro gid man sia sang Odicta drug group.
Narekober naman sa paghinakop ni Jong-jong ang lima ka plastic sachets sang ginapatihan shabu, blue nga bandana, cellphone, kag Suzuki skydrive nga motorsiklo nga may plate number FA 25855.
Sa interbyu naman kay Yda, ginhambal niya nga nakibot sia sang may nakuha ang operatiba sang PDEA 6 sa ila paghinakop.
“Indi na amon. Ila (PDEA operatives) na ina ya. Bal-an nila kung ano nga kamatuoran,” siling pa sini.
Nahibaluan nga halin ang mag-asawa sa Hall of Justice sa Bonifacio Drive, City Proper kag mapadulong na kontani sa Iloilo Red Cross sang gindakop./H
[/av_textblock]
[/av_one_full]
