[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Bumbay gintiro, kritikal ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Kritikal ang sitwasyon sang negosyante nga Indian national ukon Bumbay matapos nga gintiro sang riding-in-tandem sa atubang sang opisina sang Department of Public Works and Highways (DPWH) sa national road sang Brgy. Bolong Oeste, Sta. Barbara, Iloilo alas-9:20 sang aga kahapon.
Patal nga pilas sa kilid sang lawas kag nawong ang naangkon sang biktima nga si Ranbeer Singh Sekhon, 36, kasado kag residente sang Brgy. Nabitasan, La Paz rason nga gindala sa Iloilo Doctors’ Hospital.
Sa interbyu sang Panay Balita kay Chief Inspector Rogelio Ortigas, hepe sang Sta. Barbara PNP, halin sa Sta. Barbara ang biktima sakay sa scooter nga motorsiklo upod ang iya sekretarya nga si Michelle Braza kag mapadulong na sa Syudad sang Iloilo para magpanukot sang iya pa-utang.
Likom sa ihibalo sang biktima, ginasundan na sila sang riding-in-tandem nga sakay man sa motorsiklo. Dugang pa ni Ortigas nga pag-abot sang biktima sa atubang sang DPWH, nagpundo sila para magpanukot sa mga empleyado didto pero gulpi lamang nga gintiro ang biktima sang drayber sang nagasunod nga motorsiklo.
“Nagapang-collect sia sa area namon kag pakadto na sa city. Amo to naghapit sila sa may DPWH kay may mga pa-utang sila siguro, gintiro. Naga-pungko sia (biktima) sa motor ya kay nanaog ang iya sekretarya mo kay nagsulod,” eksplikar ni Ortigas.
Wala man nagapati si Ortigas nga hold-ap ang motibo sang mga suspek bangod ng wala man nadula ang belt bag sang biktima nga naga-unod sang kwarta.
“Way man sang nag-declare ukon hold-ap ang nagtiro. Tapos kon tan-awon mo kaina, way man nakuha ang belt bag kay initial nga report nakuha. Pero gina-consider anay namon nga shooting incident kay indi ta man kahambal nga robbery kay wala man nakuhaan sang belt bag,” dugang pa ni Ortigas.
Wala man sang narekober nga basiyo ang kapulisan sa ginluntaran sang krimen bangod nga .22 nga revolver ang gingamit sang mga suspek.
Samtang ginasulat ini nga balita, padayun pa ang imbestigasyon sang Sta. Barbara PNP sa krimen./H
[/av_textblock]
[/av_one_full]
