[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Dyep vs traysikol: 4 pilason ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Maswerte nga napilasan lang ang apat ka mga persona matapos nga ginsalakay sang de-pasahero nga dyep ang traysikol sa Barangay Buyuan, Tigbauan, Iloilo alas-11:50 sang aga kahapon.
Nakilala ang mga ini kanday Ma. Lynea Traid, 27; Vince Jared Traid, 3; kag Aier RC Cardo, 11, tanan residente sang Brgy. Buyu-an, Tigbauan, kag drayber sang traysikol nga si German Gestosani, 49, residente sang Brgy. Parara Norte, Tigbauan.
Una sila nga gindala sa Pedro Trono Memorial Hospital sa Guimbal, Iloilo pero ginsaylo man dayon sa Western Visayas Medical Center sa syudad para sa nagakaigu nga pagbulong.
Sa interbyu sang Panay Balita kay Senior Inspector Hermogenes Eulatic, hepe sang Tigbauan PNP, maliko kontani sa wala nga bahin ang traysikol para magsaka sa direksyon sang Southeast Asian Fisheries Development Center (SEAFDEC) sang ginbunggoan ini sa likod sang dyep nga ginamaneho ni Cornelio Rupiñan, 47, sang Brgy. Sinugbuhan, San Joaquin, Iloilo.
“Base sa investigation sang imbestigador ko, sundanay ang traysikol kag dyep diri sa SEAFDEC, pareho sila going sa Tigbauan proper, nag-left turn ang traysikol nga masaka sa Brgy. Buyuan. Ti, gasunod ang San Joaquin, nag-overtake gulpi ang San Joaquin, nalab-ot ang buli sang traysikol, bumped from behind ni,” saysay ni Eulatic.
Matapos ang aksidente, gilayon man nga nagsungka sa Tigbauan PNP si Rupiñan.
Nahibaluan pa nga wala sang nasamaran sa mga pasahero sang dyep./PB
[/av_textblock]
[/av_one_full]
