[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Patyo, puerto kag terminal gwardiyado sang IPPO ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Para masiguro nga malinong kag matawhay ang pag-obserbar sang Pista Minatay, ang bug-os nga puersa sang Iloilo Police Provincial Office (IPPO) nakapuesto na sa tanan nga mga patyo, puerto kag mga terminal sa probinsya sang Iloilo.
Sa interbyu sang Panay Balita kay Chief Inspector Aaron Palomo, tagpamaba sang IPPO, ginpangunahan mismo ni Senior Supt. Harold Tuzon, officer-in-charge sang IPPO, ang pag-inspeksyon kahapon sa nagkalain-lain nga mga patyo sa probinsya para masiguro nga may mga pulis nga nadesignar.
“So far, in place na tanan. Ang aton mga staff sa IPPO upod man ang aton provincial director nga si Senior Supt. Harold Tuzon nag-conduct gid sang personal inspection sa mga police stations especially sa mga sementeryo para mapasiguro nga ara ang aton kapulisan nga nagahimu gid sang ila katungdanan sa pagpasiguro sang seguridad kag kalinong kag katawhay sang aton sementeryo kag iban pa nga lugar pareho sang ports kag terminal,” hambal ni Palomo.
Nakasentro gid karon ang atensyon sang IPPO sa mga patyo bangod ginalauman ang pagdugok subong kag bwas nga adlaw sang mga tawo diri para magbisita sa ila mga minatay.
Apang wala ini nagakahulogan nga ginapabay-an na sang IPPO ang mga puerto kag terminal nga posible gamiton sang pila ka mga durogista para palutsan sang ilegal nga droga.
“Actually ari ako sa banwa sang Dumangas para ma-check naton ang preparation. Ongoing ang inspection kag monitoring sang aton provincial director mismo,” pasiguro ni Palomo.
May ginpahamtang man nga K9 unit ang Task Force Puerto sa Dumangas para magbulig sa mga otoridad sa pagsekyar sang bagahe sang mga pasahero nga naga-gwa kag sulod sa puerto.
Angut man sini, naga-apelar ang IPPO sa mga pumoluyo nga kon may namutikan nga kamala-malahan, gilayon nga i-report sa kapulisan para mahatagan dayon sang aksyon.
Nagapati si Palomo nga mangin malinong ang pag-obserbar sang Pista Minatay kon kada isa ang may disiplina sa kaugalingon.
Dapat nga sundon ang ginahambal sang kapulisan nga mga ginadumilian nga dal-on sa patyo para masiguro nga wala sang gamo nga matabo subong ukon bwas man nga adlaw.
“I- follow ang rules and regulation kay ti pirme man lang naton ginahambal sa ila nga bawal magdala sang patalom, armas, makahulobog nga ilimnon kag likawan man ang pagkari sang sementeryo nga gab-i na para at least nakalikaw nga indi mabiktima sang ano man nga krimen,” dugang sini.
Likawan man ang pagsuksok sang dalagku nga mga alahas kag kwarta para indi matintar ang mga kriminal sa paghimu sang krimen./PB
[/av_textblock]
[/av_one_full]
