[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Maghalong sa pag-gamit kandila – BFP ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syuad sang ILOILO – Sa pagpadulong subong kag bwas nga adlaw sang mga pumoluyo sa mga patyo para magbisita sa ila mga minatay, ang Bureau of Fire Protection (BFP) may ulihi nga panugyan para sa tanan.
Liwat nga ginapahanumdom sang BFP ang publiko nga maghalong sa pag-gamit sang kandila nga ginasindihan sa sulod sang balay kag bisan sa patyo para sa pagdumdom sang mga minatay subong nga tigkalalag.
Ginhambal ni Iloilo City Fire Marshal Jerry Candido nga indi dapat pagpabay-an ang nagasiga nga kandila sa balay bangod nga kon mapabay-an, daku ang posibilidad nga mangin tunaan ini sang sunog.
Base sa rekord sang BFP, ang kandila nga napabay-an nga nakasindi ang nagapangaduha sa kabangdanan sang sunog.
Gani nagpanugyan si Candido sa publiko nga sindihan ang kandila sa sulod sang lata kag indi pag i-butang sa sulod sang baso ukon ceramics kay may posibilidad ini nga mabuka kag magtuga sang sunog.
Nahibaluan nga sang Oktubre 26 pa lang, nagsugod na ang BFP sa pagpatuman sang Oplan Kaluluwa. Nagapanagtag sila sang mga flyers sa pumoluyo para mahatagan sang impormasyon ang publiko kon paano malikawan ang sunog subong nga tigkalalag./PB
[/av_textblock]
[/av_one_full]
