[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Seaman biktima sang ‘Dugo-dugo gang’ ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=” color=”]
Syudad sang ILOILO – Nabiktima sang “Dugo-dugo gang” ang mag-asawa kag nakuhaan pa sang P50,000 matapos nga nagpati sila sa nagtawag sa ila nga nadisgrasya ang ila bata nga seaman samtang nagasakay sa barko.
Sa reklamo ni Eduardo Baniaco, 59, isa man ka seaman kag residente MLVA GSIS Village, Brgy. Tabuc Suba, Jaro, nakabaton sila sang tawag sang Martes halin sa nagpakilala nga si Captain Sandoval kag ginhambalan sia nga ang bata niya nakadisgrasya sa barko.
Siling pa sang nagtawag nga nabunu sang ila bata ang kapitan sang barko bangod ginlamposan sia sang salsalon sa dughan.
Ginhambalan pa si Baniaco nga pagadal-on gikan sa Singapore ang ila bata sa Mactan kag idiretso sa Riverside Hospital sa Syudad sang Bacolod.
Ginsundan pa gid ini sang tawag alas-sais sang gab-i sang amo man nga adlaw sang nagpakilala nga si Chief Engineer Joel Alaras nga gikan na sila sa Mactan kag padulong na sa Bacolod. Siling ni Alaras, kinahanglan nila ang kwarta nga P50,000 sa ospital agud nga ma-operahan ang bata ni Baniaco. Gilayun man nga nagpadala sang kwarta sa nagtawag sa ila si Baniaco paagi sa Western Union sa SM City Iloilo.
Matapos napadala ang kwarta, didto pa lang nakamarasmas si Baniaco nga nabiktima sila sang “Dugo-dugo gang.”/PB
[/av_textblock]
[/av_one_full]
