LABAY MAN AKON

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’LABAY MAN AKON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY RUNJI ROCIO JAMOLO
[/av_heading]

[av_textblock size=” font_color=” color=”]

Body shame

NAKAAGI ka na bala nga nahuy-an bangud sang imo hitsura?

Na-experience mo na bala nga ginpakahuy-an sa atubang sang madamo nga tawo bangud sa pagpakamalaut sang iban sa imo lawas?

Segurado nga naka-experience na kita sini ugaling ginakabig lamang naton yadto nga isa ka lahug.

Lahug man o panunlog, kon kaisa ini nagaresulta sang negative nga panan-aw naton sa aton mga kaugalingon, labi na sa mga bata nga indi pa nakahangup sa mga sitwasyon.

Sining karon lang si Judy Ann Santos-Agoncillo naka-experience sang body shaming sa social media. Isa ka basher nya nag-post nga “Akala ko ba nagdi-diet ka? Ba’t sobrang taba mo pa rin?” (Affected ka, sabat ni Judy Ann.)

Kasan-o lang, samtang nagakaon sa may higad dalan, may isa ka dako nga tawo nga nagsaligbat sa sugilanon kag nagsiling sa akon nga “Kon ako man, indi ako mag-crush sa imo kay ka-tambok sa imo!” (Ugh! Pero mas dako kag mas overweight pa sya sang sa akon.)

Tambok ibuk-ibok. Dabiana. Dagul. Palito. Ati. Agi. Lay-ud. Potot. Sungi. Kalbo. Kawayan.

Ini mga halimbawa lamang sang mga bansag nga ginahimo sa isa nga masami aton mabatian sa mga sunluganay sang kabataan. Ini mga pagpakamalaut sa isa ka tawo sa porma sang “body shame.”

Ang definition sang “body shame” nagasiling nga “it is the practice of making critical, potentially humiliating comments about a person’s body size or weight.” Ang body shaming possible man nga pagpakamala-ut sang skin color o gender orientation sang isa ka individual.

Sa masami naga bunga ini sang pag-sulk sang isa. Gani may yara kita mga bata nga anti-social. Posible nga ini ang ila pag-cope sa mga situation sa eskuelahan kapin pa kon wala natalupangdan sang mga manunudlo o ila ginhikanan. Ayhan ini man ang rason nga ginalikawan sang mga biktima ang pag-eskuela.

Posible man nga ang iban nga ginhikanan wala nakahibalo sini bangud wala man nakasugid ang ila kabataan sang kasubong nga nasambit nga hitabo…kay man kabataan.

Ang body shaming may negative effect sa tawo nga ginasunlog labi na sa mga bata nga indi ansyano sa pag-manage sang situation. Ini posible ang rason sang kainit sang isa ka bumulutho nga patalikud nga nagbuno sang iya ka-eskuela bangud indi ma-agwantahan ang masami na lang nga pagpangyaguta (mock) sang iya pagkatawo.

Ehemplo ini sang bullying sa eskuelahan nga dapat kontani nalikawan ang makasiligni nga “ending” kon na-monitor lang sang eskuelahan, manunudlo o ginhikanan.

May kasuguan tuhoy sa bullying nga sarang gid kontani mahatagan kalubaran kon namutikan lang, kapin pa kon ang incident natabo sa premises sang eskuelahan.

Sa masami, ginapatawag ang mga ginhikanan sang mga bata nga involved sa bullying, langkoy pagpa-athag sa ila nga may ley konta sina nga kakahasan. Ang unwanted teasing nga naga-damage sa psyche o emotional well-being sang isa ka estudyante ginadilian sa idalum sang Anti-Bullying Act of 2013.

Sa kaso ni Judy Ann, puede gid niya lagson ang taghimo (perpetrator) bangud may yara na karon nga kasuguan kontra cyberbullying. Ugaling bangud isa sya ka artista, ginakabig na lang yadto nga “dangers” sa iya propesyon.

Kon ang nasambit nga body shaming ginhimo sang isa ka lalaki sa sulod sang puluy-an ukon bana o himata nya ang pepetrator sang krimen, sarang sya makapangayo sang alibyo bangud nalakip ini sa mga sahi sang pagpamintas nga ginahimo kontra sa kababaenhan o iya kabataan. Apang sa kaso nga ang body shaming kahimuan sang indi kilala nga tawo sa isa ka individual o babaye, unjust vexation ang posible nga isalpak kontra sa iya.

Ini mga pagpahanumdum lamang. Pananglit kamo maka-atubang sang sini nga kahimtangan, maayo nga kamo nakapanginlaman bangud kamo may nahibal-an./PN
[/av_textblock]

[/av_one_full]