[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Kalimtan na lang!
“Ang paglubong kay Marcos daw style sang mga maluibon, ginahimo sang sekreto.”
NAKIBOT ang mga kontra-Marcos sa sekreto nga paglubong sa bangkay sang anay diktador nga si Ferdinand Marcos sa Libingan ng mga Bayani. Apisar nga ginapa-abot ini apang indi sa patago kay gulpi nga sitwasyon. Kun sa Ingles pa, “clandestine burial.”
Matapos ang tatlo ka dekada, nalubong na gid man sya sa Libingan ng mga Bayani. Kun tan-awon ang gin himo para lang malubong sya, sobra pa sa baganihan ang paglubong sa iya.
Hamakon mo ina nga gin sakay pa sa helicopter ang iya bangkay kag dal-on sa LNMB? Ginsakay man sa helicopter ang pamilya Marcos gikan sa Batac, Ilocos Norte padulong sa lulubngan sang ila padre de pamilya.
Sobra gid nga pag-insulto kag pagpakanubo sa pagkatawo sang mga nabiktima sang martial law ang gin himo sini nga gobyerno. Para sa akon indi man mabasol ang pamilya Marcos. Nga-a man? Kay kun wala sang go-signal gikan kay President Rodrigo Duterte ang pagpalubong sa anay diktador sa lulobngan nga para sa mga baganihan, wala ini natabu. Galing bangud nga gin paboran ini ni Duterte nga hayag ang pasalamat sa mga Marcoses sa suporta sa iya, wala sang mahimo ang mga nagapamatok sini. Pag gustohon sang president, himuon gid ang tanan para mahatagan ini sang katumanan.
Ang ginapunto sang mga pro-Marcos nga mag move-on na ang tanan. Buot silingon kalimtan na ang tanan kag magpadayun na sang pangabuhi sa pungsod. Kun ano nga wala nabiktima sang martial law, mabug-at sa dughan ko ang pagpahanugot nga malubong si Marcos sa LNMB, ano pa gid ayhan ang mga naka-agi sa mapintas nga kamot sang martial law? Kun sa hugot pa: “Ang martial law daw bagyo…ang iban naulanan, ang iban nabahaan, ang iban malubha nga nahalitan apang may iban nga masanag ang silak sang adlaw.” Ang mensahe, nga ang mga gin halitan sang martial law nasakitan apang ang mga nakapanginpulos sa martial law gin dayaw ang mga Marcos.
Wala sang kinamatarong ang mga iban jan nga insultuhon ang mga pamatan-on nga nagamartsa kontra Marcos. Bulahan ini nga mga kabataan nga bukas ang ila panan-awan kag nakahibalo sang madulom nga bahin sang maragtas sang Pilipinas. Mala-ut ang mga may edad na nga nagadayaw kay Marcos bangud nakapanginpulos sila sa kapintas sang iya rehimen.
Ang paglubong sa iya sa LNMB indi makapanas nga nangin plunderer kag human rights abuser ang anay president. Ang gina panaming sang mga supporters kag pamilya Marcos ang kauswagan sang pungsod sa idalum sang Marcos presidency. Sa mga pro-Marcos pagusto kamo dayaw sa diktador kag human rights abuser pero indi lang pagpunggi ang mga nagakontra sa iya. Patas lang nga kinamatarong sa pagpabutyag sang panindugan sa isyu.
Marcos indi baganihan. Marcos indi halangdon. Marcos mapintas nga lider nga nagpamanggad sa pamilya.
Daw matingala man gani kita nga diin bala nagkuha sang manggad ang mga Marcoses nga subong padayun nga bugana ang pangabuhi? Indi bala maathag nga ang mga kabataan subong ang nagatamasa sa manggad nga ayhan iya pa ini sang pungsod?
Bangud sang isyu sang paglubong kay Marcos sa LNMB, nangin tuman na ang pagbinahin-bahin sang pungsod. Nangin mahigko na ang isyu nga nabalay sa politika nga sadsaran. Ang ginasiling nila nga move on kag magpatawad na lang, indi makapahugpong sa pungsod. Samtang may nagasinggit sang hustisya, indi ma-angkon ang ginahandum nga kalinungan. Kun wala sang hustisya, wala sang kapatawaran, wala sang kalinungan ang tagsa ka dughan.
Pero si Marcos gid ayhan ang ginlubong nila? Nga-a daw kamag-an lang sang pagpas-an sang lungon. Basi bala wax lang man ang ginlubong. Ukon ato pa sa gihapon sa Batac ang bangkay sang diktador?
Base bala nagatuwad-tuwad kadlaw sanday Imelda kag mga kabataan na kay liwat nga naintuan ang mga Pilipino bangud lungon lang ang gin lubong?
Sa matuod lang, nakita ko ang bangkay ni Marcos sa ila museum…sigurado ako wax gid yadto!/PN
[/av_textblock]
[/av_one_full]
