[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’SIKYU, KAGAWAD PATAY SA DRUG BUST ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Patay ang gina-alegar high-value target nga nagaduso sang ilegal nga droga kag isa ka barangay kagawad matapos nga nagbatu sa mga pulis nga nagkasar sang buy-bust operation sa Mabato Sur, San Jose, Antique alas-12:20 sang kaagahon kahapon.
Lunsay ginbawian sang kabuhi sa malapit nga ospital ang mga suspetsado nga sanday Enecito Escaner sang Brgy. Sinaja, Belison, Antique kag gwardiya sang Antique Provincial Capitol kag Robert Magbanua, kagawad sang Brgy. Caridad, Hamtic, Antique.
Base sa report sang Police Regional Office 6, gin-subject ang duha sa buy-bust operation sang Provincial Anti-Illegal Drug Special Operation Task Group kag San Jose PNP kon sa diin nagpakuno-kuno ang isa ka pulis nga mabakal sang shabu pero sang gindaho sang mga suspetsado ang gina-alegar shabu, nakamutik sila nga mga pulis ang ila naka-transaksyon rason nga gilayon sila nga nagpalagyo sakay sa motorsiklo padulong sa Hamtic.
Ginlagas sila sang mga pulis kag naabtan malapit sa merkado sang Hamtic pero imbes nga magsungka, ginapahayag nga nagpalupok pa ang mga suspetsado gamit ang wala na-determinar nga pusil rason nga napuersa ang mga pulis nga magbalos palupok.
Matapos ang pagbaylohanay sang lupok, nadiskubrehan sang mga pulis nga pilason na ang mga suspetsado rason nga ila pa gindala sa ospital apang ginbawian gid sang kabuhi.
Sa interbyu naman sang Panay Balita sa isa sa mga himata ni Escaner, gina-alegar sini nga wala nagabaligya sang ilegal nga droga ang napatay.
Siling niya nga mabuot ini nga sahi sang tawo kag wala man naka-agi tokhang sang mga pulis.
“Way gid na ya. Honest to goodness. Duro loan niya ti kon naga-amo na sia, milyanaryo na tani pero indi gani mabatas ang ila balay, common sense lang abi. Way, planted lang na ya,” dugang sini.
Ginhambal man sini nga halin sa bulangan si Escaner upod ang kagawad kon sa diin nagdaog sila rason nga nag-inom-inom tubtob nga gin-subject ang mga ini sa buy-bust operation.
“Halin sa bulangan sila galing nag-inom kuno na hambal sang iban, inom sila didto sa Hamtic,” dugang sang himata ni Escaner.
Ginakwestiyon man sini ang mga pulis kon ngaa gintiro gid dayon si Escaner imbes nga ipaidalom anay sa Tokhang ukon buy-bust kon matuod gid man nga durogista ini.
“Ngaa gintiro nila? Tani ginbuy-bust kag gintokhang nila. Way gani nila gina-tokhang ang duro rekord da. Sia gani nga way gani sang ano sia pa ang ginpatay,” kwestiyon pa sini.
Natingala man sila nga mga himata ni Escaner kon ngaa wala na marekober ang kwarta sa bulsa sang napatay nga nadag-an sini sa bulang.
“Ngaa ang kwarta nila wala didto?” pamangkot pa sini.
Samtang ginasulat ining balita, padayun pa ang imbestigasyon sang mga otoridad kon ano gid ang natabo kag kon ngaa natirohan gid ang duha ka mga suspetsado./PB
[/av_textblock]
[/av_one_full]
