[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Bagyo sang gugma ni Ronnie kay Leila
SA Kongreso:
Dayan: ’Yung pag-ibig kong wagas, ’di niya [de Lima] sinuklian ng wagas na pag-ibig.
Castro: Nababase ba ang relasyon ninyo sa pag-ibig?
Dayan: Yes, Your Honor.
Castro: Tama bang sabihin na nakuha ninyong dalawa ang pagtitiwala ng isa’t-isa?
Dayan: Opo, Your Honor.
Castro: Gaano ba kalakas ang pagmamahal mo sa kanya ngayon?
Dayan: Mga signal No. 1 na lang.
Castro: Bakit noon ano’ng signal?
Dayan: Signal No. 5 ata, Your Honor.
People in the room: Hahahahahaha!
Pila lamang ini sa nangin kabahin sang pagpamangkot sang mga kongresista kay Ronnie Dayan. May nagapamangkot agud itum-ok si Sen. Leila de Lima samtang may nagapamangkot agud mahibaluan ang kredibilidad ni Dayan. Pero labaw gid ang luyag lasakon ang pagkatawo sang senadora.
Ang House committee on justice nag-imbestigar sa isyu sang baligya-anay sang illegal nga droga sa New Bilibid Prison (NBP) nga gina-alegar ginaprotektahan ni Sen. Leila de Lima sang sya pa ang tiglikum sang Department of Justice (DOJ). Gina-alegar nga si Ronnie Dayan nga iya anay driver-bodyguard amo ang nagakolekta sang drug protection money gikan sa mga high-profile inmates sa NBP. Ang iban nga mga high-profile nga mga inmates nagsiling nga nagahatag sila sang minilyon nga kwarta kay de Lima paagi kay Dayan nga kahagugma sang senador. Sa umpisa todo deny si de Lima nga may relasyon sila ni Dayan apang sang ulihi napilitan man nga mag-ako bangud sa indi na mapunggan nga pagkadakop kay Dayan. Siling ni de Lima, bunga sang kahuyang sang babaye ang pagpakigrelasyon nya kay Dayan.
Nagtuyo man ang Kamara nga ipaggwa ang gina-alegar sex video ni de Lima kag Dayan agud pamatud-an kuno ang ka-angtanan sang senador sa illegal drug trade.
Anay ka! Indi bala nga ang tuyo amo nga imbestigaran ang baligya-anay sang droga?
Nga-a nasentro na karon sa relasyon ni de Lima kag Dayan ang isyu? Luyag gid bala sang Kamara nga mapaggwa ang kamatuoran sa ilegal nga droga ukon gub-on si de Lima agud indi na makapadayun sa pag-imbestigar sa isyu sang extrajudicial killings (EJK) sa pungsod angut sa war on drugs?
Ma-athag nga naglisa na sang banas sa ila imbestigasyon ang Kamara. Nagsentro na sa illicit love affair nanday de Lima kag Dayan ang imbestigasyon. Pamatuod lamang nga ang intensyon amo nga dugmukon ang tanan nga nagakontra sa administrasyon.
Indi man kita makahusgar pero kun basehan ang mga testimoniya sang mga saksi sang Kamara, matuod gid ang ka-angtanan ni de Lima sa illegal drug trade. Ugaling ma-athag man nga ang tanan nagalagas lamang nga maluwas sa kalalat-an. Buot silingon, ang mga ginabuy-an nga pahayag sang tanan sa isyu para sa kaugalingon nga kaluwasan. Nga-a bala hatagan sang Kamara sang immunity ang ila mga witnesses? Ini amo ang bargain agud magsunod sang ano man nga bagay nga luyag ipasaysay sa ila sang administrasyon.
Grabe ang pagka-ipokrito sang mga kongresista. Kun makapamangkot kay Dayan sa relasyon nya kay de Lima daw mga matinlo gid ang mga ini. Pila ayhan sa ila ang nagagasto man sang kwarta sang gobyerno sa ila mga querida kag querido?
Puno sang mga salimpanaw ang mga politiko sa Pilipinas. Nagapatinlo-tinlo lang agud matib-ong ang kaugalingon. Klaro, maathag, masanag nga ang ila ginahimo subong “self-preservation” lamang. Kun si anay President Erap Estrada pa, weder-weder lang sa pamulitika.
Hay, kilati sila!/PN
[/av_textblock]
[/av_one_full]
