[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Anay pulis gintiro ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Gintiro-patay ang anay pulis sang riding-in-tandem pasado alas-otso sang Domingo sang aga sa kalye sang Caduhada sakop sang Barangay Robles, La Castellana, Negros Occidental.
Ginkilala ni Senior Inspector Jerry Nacion, hepe sang La Castellana PNP, ang biktima nga si PO2 Abelardo Janoy Calderon Jr. alyas Mawi, 48, may asawa kag taga-Sitio Alipion, Brgy. Lalagsan sa amo nga banwa.
Market day ukon tinda sa La Castellana kada Domingo kag may yara nga manokan si Calderon sa proper sang banwa kag nagabubod gid sang iya hinigtan sang luthangon sang duha ka wala makilala nga mga suspek.
Si Calderon nadestino man anay sa La Castellana PNP apang ginliton sa Negros Occidental Police Provincial Office sang nagpositibo sia sa pag-gamit sang ilegal nga droga. Bangod sini, ginpahalin sia sa serbisyo sadtong 2012.
Ang iya asawa naman nga si Marites, clerk sa La Castellana National High School, indi makapati sa natabo sa iya bana.
Sa karon, wala pa mapahayag kon may kahilabtanan sa droga ang pagtiro kay Calderon ukon personal nga prakaso samtang padayun pa nga gina-usisa sang mga pulis ang motibo sang pagpatay./PB
[/av_textblock]
[/av_one_full]
