[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Taktika sa politika’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
SORPRESA sa mga Ilonggo ang deklarasyon ni Rep. Jerry Treñas (Iloilo City) nga indi na sya magpadalagan sa pagka-alkalde sang syudad sang Iloilo ukon sa ano man nga elective position sa 2019 election. Sorpresa bangud 2016 election pa lamang nagpahayag na si Treñas nga magabalik sya bilang alkalde sang syudad.
Sa kadalag-an ni President Rodrigo Roa Duterte, hinali nga nagkambyo ang tanan. Gin-umpisahan nya sa paglawag sang mga narco-personalities sa pungsod. Ibabaw paidalum, gin-alegar ara sa illegal drugs operations sa ila lugar. Pinaka-celebrated karon ang sitwasyon ni Sen. Leila de Lima nga amo ang ginatudlo nga nakapangwarta sang dako sa operasyon sang illegal nga droga. Pero ang wala nabutang sa national media amo ang mga ginatudlo ni PRRD nga lokal nga opisyal nga ara sa ilegal nga droga.
Ang kampanya sa illegal nga droga pareho nga krusada kag politika. Krusada bangud nga mabudlay ini pukna-on bangud sa madalum na nga pagdulot sang gamut sang sindikato sa duta sa Pilipinas. Samtang mas masadya ang sa bahin sang pultika. Masadya bangud nga una nga namitlang ang mga politiko nga kilala nga kaalyado sang Liberal Party (LP) ukon ang ginatawag sang mga Dutertards nga Yellowtards. Sa ulihi nga listahan naggwa nga madamo man kuno sang mga kaalyado si Duterte nga ara sa illegal drug trade. Siling pa ni Duterte, indi na niya paglawagon ang mga ngalan kay base magtuga pa sang kagamo sa pungsod.
Ay tuod, ka Mr. President? Ina gid ayhan ang kabangdanan ukon nagasugod na ang bargaining sa politika sa pungsod subong pa lang? “Padalagan ka ukon lawagon ko ang imo ngalan nga drug protector ka?” Sin-o abi ang indi pagkurogon kon hambalan ka sang President sini? Indi lang basta President kundi tuman ka popular nga President. Ang tanan nga nagakawas sa iya baba ginakabig nga ebanghelyo sang iya mga sumulunod kag sang 16 milyones ka Pilipino nga nagboto sa iya.
Ang syudad sang Iloilo isa sa nangin collateral victim sang Duterte politics. Ang alkalde kag kongresista sang syudad tampad nga LP members. Indi lang tampad kundi nagkampanya gid hugot kontra sa iya. Maathag nga ginalikawan ni Duterte ang magtapak sa Iloilo. Kuntani sya ang magapanguna sa ceremonial switch-on sang coal-fired power plant sang Palm Concepcion sa Concepcion, Iloilo. Sa baylo nga magbisita, sa Malacañang na lang naghimo sang programa. Maathag nga ginalikawan nya ang Iloilo. Sigurado, labugayon sang administrasyon ang politika sa Iloilo.
Balikan ta ang deklarasyon ni Treñas nga indi na sya magdalagan. Nakibot ang kadam-an pero may iban nga wala man kay nagapati nga ini drama lang. Ginhimaksan ni Treñas kuntani nga matunga sa duha ka distrito ang syudad sa paglaum nga indi magbungguanay sa congressional bout sanday Mayor Jed Patrick Mabilog kag Vice Mayor Jose Espinosa III. Apang indi matabu ang pagtunga sa administrasyon ni Duterte.
Stratehiya politikal ukon ikaayong lawas ang rason ni Treñas sa pag-atras. Ukon bala magaatras gid man sya? Ukon base mag ala-Duterte man sya, abanse-atras-duso-bawi? Sa pisikal nga sitwasyon ni Treñas ako nagapati nga masarangan pa niya ang pagpangalagad bilang alkalde sang syudad. Ang iya kaalam amo ang nag-umpisa sa mga pagbag-o sa syudad nga ang iban ginpadayun ni Mabilog.
Madamo man sang kadalag-an ang syudad sa idalum ni Mabilog nga indi mahinago sa mata sang mga Ilonggo. Ugaling bangud kontra ang popular nga President, tanan nga makontra nya, may sungay na para sa mga Dutertards. Bangud sini, siling sang isa ta ka amigo nga abogado sa Binisaya, “Indi na ya health…Pamulitika lang na ni Treñas. Basi bala mabuhi ang nagakatulog nga mga kaso kon magdalagan gid sya sa 2019 or basi bala mitlangon man sya ni Duterte.”
Sa sini nga sitwasyon, nagamudlo na ni ang mata sang iban sa pagpadalagan sa pagka-congressman ukon pagka-alkalde sang syudad. Sin-o ina sila? Ah, bal-an ko kilala nyo na sila nga mga has-been sa Iloilo politics./PN
[/av_textblock]
[/av_one_full]
